မြန်မာ့အရေးမှာ UN က ပြတ်သားတဲ့ဆုံးဖြတ်ချက်တွေ လိုအပ်ကြောင်း ဦးကျော်မိုးထွန်း ပြောကြား
ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်း ကို တွေ့ရစဉ်
Photo: AFP
မြန်မာ့အရေးနဲ့ပတ်သက်လို့ ကုလသမဂ္ဂရဲ့ ပြတ်သားတဲ့ဆုံးဖြတ်ချက်တွေ အချိန်နဲ့တပြေးညီ လိုအပ်နေ တယ်လို့ ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းက ပြောကြား လိုက်ပါတယ်။
အောက်တိုဘာ ၂၉ ရက် မနေ့ကမနက်ပိုင်းက အမေရိကန်နိုင်ငံ နယူးယောက်မြို့ ကုလသမဂ္ဂရုံးချုပ်မှာ ကျင်းပနေတဲ့ ၇၆ ကြိမ်မြောက် ကုလသမဂ္ဂ အထွေထွေညီလာခံမှာ သံအမတ်ကြီး ဦးကျော်မိုးထွန်း က ပြောကြားတာပါ။
"ပြည်သူအားလုံးရဲ့ အခြေခံ လူ့အခွင့်အရေးတွေအပေါ် ကမ္ဘာက အလေးထားအာရုံစိုက်မှုရဖို့နဲ့ ပြည်သူ တွေအပေါ် စစ်တပ်က ရက်စက်စွာပြုမှုနေတာတွေကို တားဆီးဖို့အတွက် ကုသလမဂ္ဂရဲ့ လုပ်ဆောင်ချက် တွေက အသေအချာလိုအပ်နေပါတယ်။ ကုလသမဂ္ဂရဲ့ အချိန်နဲ့တပြေးညီ ပြတ်သားစွာ အရေးယူမှုတွေ အထူးသဖြင့် ကုလသမဂ္ဂလုံခြုံရေးကောင်စီရဲ့ လုပ်ဆောင်ချက်တွေက နောက်ကျနေပြီဖြစ်ပါတယ်"
မြန်မာနိုင်ငံရဲ့ သမိုင်းဝင် အလှည့်အပြောင်းကာလမှာ ပြည်သူတွေအတွက် နိုင်ငံတကာရဲ့ ခိုင်မာတဲ့ ထောက်ခံအားပေးမှုလိုနေပြီး မြန်မာပြည်မှာ လူ့အခွင့်အရေးနဲ့ ဒီမိုကရေစီ ပြန်ရချိန်အထိ ကုလသမဂ္ဂ လူ့အခွင့်အရေးကောင်စီရဲ့ အာဂျင်ဒါထိပ်ဆုံးမှာ မြန်မာ့အရေးကို ထားပေးဖို့ကိုလည်း သံအမတ်ကြီး ဦးကျော်မိုးထွန်းက မေတ္တာရပ်ခံခဲ့ပါတယ်။
အမျိုးသားညီညွတ်ရေးအစိုးရ (NUG) အနေနဲ့ ကုလသမဂ္ဂနဲ့ ပူးပေါင်းဆောင်ရွက်နေပြီး နိုင်ငံတကာ ရာဇဝတ် ခုံရုံး (ICC) ရဲ့ တရားစီရင်မှုကို လက်ခံသွားမယ်လို့ သံအမတ်ကြီး ဦးကျော်မိုးထွန်းက ပြောဆိုထားပြီး ရိုဟင်ဂျာ အရေးအတွက် မူဝါဒချမှတ်ထားပြီး ဖြစ်တယ်လို့ ဆိုပါတယ်။
ဒါ့အပြင် စစ်တပ်အာဏာသိမ်းပြီး ၉ လအတွင်း ဖမ်းဆီး၊ သတ်ဖြတ်ခံရမှုတွေရှိတဲ့အကြောင်းနဲ့ မနေ့က ချင်းပြည်နယ်၊ ထန်တလန်မြို့က ခရစ်ယာန်ဘုရားကျောင်း နှစ်ကျောင်းအပါအဝင် အိမ်ခြေအများအပြား မီးရှို့ခံရမှုနဲ့ ပတ်သက်လို့လည်း ဦးကျော်မိုးထွန်းက တင်ပြခဲ့ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ