ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့


2018.10.04
rohingya-india-622.jpg အိန္ဒိယနိုင်ငံ နယူးဒေလီမှာ ရိုဟင်ဂျာအမျိုးသမီးတွေကို တွေ့ရစဉ်
Photo: AP
အိန္ဒိယနိုင်ငံအနေနဲ့ မြန်မာနိုင်ငံကို ပထမဆုံးအကြိမ်အဖြစ်နဲ့ အာသံပြည်နယ်မှာ တရားမဝင် နေထိုင်နေတဲ့ ရိုဟင်ဂျာ ၇ ဦးကို ဒီကနေ့ ပြန်ပို့်လိုက်ပါတယ်။

သူတို့ဟာ ၂၀၁၂ ခုနှစ်ကတည်းက အာသံပြည်နယ် ဆဲက်ချားခရိုင်က ဗဟိုအကျဉ်းထောင်မှာ ထိန်းသိမ်းခံထားရ တာဖြစ်ပါတယ်။

သူတို့ကို မဏိပူရပြည်နယ်က မြန်မာနယ်စပ်မြို့ဖြစ်တဲ့ မိုးရေးမြို့အနီးမှာ မြန်မာအာဏာပိုင်တွေထံ လွှဲပြောင်းခဲ့ တာဖြစ်ပြီး မြန်မာဘက်က လဝက အရာရှိ ၂ ဦးက လက်ခံခဲ့ပါတယ်။

ပြန်ပို့ခံရမယ့်သူတွေဟာ ရခိုင်ပြည်နယ်မှာ နေထိုင်တဲ့ မြန်မာနိုင်ငံသားတွေ ဖြစ်တယ်ဆိုတာကို မြန်မာဘက်က အတည်ပြုခဲ့ပြီးမှ အခုလို လက်ခံခဲ့တာလို့ သိရပါတယ်။

ရိုဟင်ဂျာ ၇ ဦးရဲ့ ရှေ့နေတွေကတော့ ဒီလိုပြန်ပို့မယ့်ကိစ္စအပေါ် တရားရုံးကို အရေးပေါ် အယူခံဝင်ခဲ့ပေမယ့် အိန္ဒိယတရားရုံးချုပ်က အယူခံကို ပယ်ချခဲ့တယ်လို့ သိရပါတယ်။

ဒီသတင်းနဲ့ ပတ်သက်ပြီး ရန်ကုန်မြို့က အိန္ဒိယသံရုံးကို ဆက်သွယ်မေးမြန်းရာမှာတော့ ဖုန်းနဲ့ဖြေဆိုဖို့ ငြင်းဆန်ပါတယ်။ နိုင်ငံခြားရေးဝန်ကြီးဌာနကို ဆက်သွယ်မေးမြန်းနေပေမယ့် အဆက်အသွယ် မရသေးပါဘူး။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။