ဒေါ်အောင်ဆန်းစုကြည်နဲ့ အိန္ဒိယသမ္မတ ဆွေးနွေး

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အိန္ဒိယသမ္မတ Ram Nath Kovind ကို သမ္မတ အိမ်တော်မှာ မနေ့က သွားရောက်တွေ့ဆုံပြီး နှစ်နိုင်ငံ ပူးပေါင်းဆောင်ရွက်ရေး တိုးမြှင့်မယ့်ကိစ္စရပ်တွေ ဆွေးနွေးပါတယ်။

အဲဒီလိုတွေ့ဆုံချိန်မှာ ဒေါ်အောင်ဆန်းစုကြည်နှစ်သက်တဲ့ သမ္မတအိမ်တော်ဝင်းဥယျာဉ်က နှင်းဆီပန်းတွေ လက်ဆောင်ပါးလိုက်တယ်လို့ အိန္ဒိယသမ္မတက သူ့ twitter မှာ ရေးသားပါတယ်။

ဒေါ်အောင်ဆန်းစုကြည်ဟာ အာဆီယံ-အိန္ဒိယ ထိပ်သီးအစည်းအဝေးနဲ့ ၆၉ ကြိမ်မြောက် အိန္ဒိယအမျိုးသားနေ့ တက်ရောက်ဖို့ နယူးဒေလီကို ၂၄ ရက်နေ့က ရောက်ရှိသွားပြီး မနေ့ညနေ ၅ နာရီခွဲမှာ နေပြည်တော်ကို ပြန်လည်ရောက်ရှိလာပါတယ်။