မြန်မာ အိန္ဒိယနယ်စပ် ခိုက်ရန်ဖြစ်

စစ်ကိုင်းတိုင်းဒေသကြီး၊ တမူးမြို့က မြန်မာ-အိန္ဒိယ နယ်စပ်ဂိတ်အနီးမှာ မနေ့က နှစ်ဖက်ဒေသခံတွေ ခိုက်ရန်ဖြစ်ပွားခဲ့တာကြောင့် နှစ်ဖက်လုံခြုံရေးအင်အားတိုးမြှင့်ထားတယ်လို့ ဒေသခံတွေက ပြောပါတယ်။

မနေ့က ညနေ ၄ နာရီကနေစပြီး ၂နာရီကျော်ကြာ ပဋိပက္ခဖြစ်ပွားခဲ့တာလို့ တမူးမြို့ခံ ကိုပုဟမ် က ပြောပါတယ်။

"မနေ့က ၂၄ နာရီကို အိန္ဒိယဘက်က ပိတ်ထားတာပေါ့ဗျာ၊ ပိတ်ထားတဲ့ဟာကို ဒီဘက်က တချို့လူတွေက ဝင်ဖို့ ကြိုးစားရင် ရုန်းရင်းဆန်ခတ်ဖြစ်သွားတာပါ၊ မနေ့ကဖြစ်တာကတော့ ညနေ ၄ နာရီမှာဖြစ်တာ၊ သူတို့အချင်းချင်း အပြန်အလှန် ခဲနဲ့ပေါက်မှုတွေ ဖြစ်သွားတာ၊ အဲ့ကနေကြီးကျယ်သွားတဲ့ အခြေအနေအမျိုးပါ၊ ပထမက သူတို့ဘက် က စပေါက်တယ်လို့ ကျနော်ကြားရတယ်၊ ဒီဘက်က လူ ၁၅ ယောက်ပေါ့နော် ပေါက်နေကြတယ်၊ ပေါက်နေကြ ရင်း ဟိုဘက်က အင်အားတော်တော်လေး များလာတဲ့အခါကျတော့ ဒီဘက်အထိ နယ်စပ်ကိုဖြတ်ကျော် ပြီးတော့ နေအိမ်ခြံဝင်းနားအထိ ကပ်ပြီးတော့ ခဲနဲ့ပေါက်တာတို့ ဖြစ်ခဲ့တာပေါ့နော်၊ သူတို့ဘက်ကလည်း ရဲတပ်ဖွဲ့ဝင်တွေကလည်း နောက်မှာလုံခြုံရေးအပြည့် ယူလိုက်တယ်ပေါ့နော်၊ ဒီဘက်ကလည်း လုံခြုံရေးတွေ ယူလိုက်တယ်"