လူငယ်တွေ အလုပ်အကိုင် အခွင့်အလမ်းအတွက် အစိုးရနဲ့ ESCAP ဆွေးနွေး


2014.01.28
myanmar-dev-forum-305.jpg နေပြည်တော် MICC မှာ ဇန်နဝါရီလ ၂၇ ရက်နေ့ကကျင်းပ တဲ့ မြန်မာနိုင်ငံ ဖွံ့ဖြိုးတိုးတက်မှု ပူးပေါင်းဆောင်ရွက်ရေး ဖိုရမ်ကို မြင်ရစဉ်
photo: President Office Website

မြန်မာလူငယ်တွေအတွက် အလုပ်အကိုင် အခွင့်အလမ်းနဲ့  မြန်မာ့အင်တာနက် ဆက်သွယ်ရေး နည်းပညာကဏ္ဍမှာ ရင်းနှီးမြှုပ်နှံမှု အခွင့်အလမ်းတွေ ဖန်တီးရေးအတွက် သမ္မတ ဦးသိန်းစိန်ရဲ့ အစီအစဉ် သစ်ကို ကုလသမဂ္ဂ အာရှပစိဖိတ်ဒေသဆိုင်ရာ စီးပွားရေးနဲ့ လူမှုရေးကော်မရှင် ESCAP က နေပြည်တော်မှာ မနေ့ကကျင်းပခဲ့တဲ့ ဒုတိယအကြိမ် မြန်မာနိုင်ငံ ဖွဲ့ဖြိုးတိုး တက်ရေး ကော်ပိုရေးရှင်း ဆွေးနွေး ပွဲ နောက်ဆုံးနေ့မှာ ကြေညာခဲ့ပါတယ်။

အဲဒီ သတင်းနည်းပညာစွမ်းရည် ဖွံ့ဖြိုးတိုးတက်ရေး အစီအစဉ် ပထမဆင့်မှာ မြန်မာနိုင်ငံက ထူးချွန်တဲ့ သတင်းနည်းပညာသမားတွေ၊ စွန့်ထွင်လုပ်ငန်းရှင် ၂၅ ယောက်ကို အိန္ဒိယနိုင်ငံ မိုက်ဆိုးမြို့မှာ သီတင်း ၁၂ ပတ် အဆင့်မြင့်သင်တန်းတွေ ပေးမှာဖြစ်ပါတယ်။

မြန်မာနိုင်ငံအတွက် e-government ခေါ် အင်တာနက်ကတဆင့် အစိုးရလုပ်ငန်းတွေ ဆောင်ရွက်နိုင်ရေး၊ နိုင်ငံ တကာနဲ့ ချိတ်ဆက်ပြီး အင်တာနက်ကုမ္ပဏီတွေ တည်ထောင်နိုင်ရေးအတွက် ရည်ရွယ်တယ်လို့ သိရပါတယ်။

ဒီအစီအစဉ်မှာ ESCAP၊ Infosys၊ အိန္ဒိယအစိုးရနဲ့ မြန်မာအစိုးရတို့ ပူးပေါင်းဆောင်ရွက်ကြမယ်လို့ ဆိုပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။