ပေါက်တောမှာ မွတ်စလင် ဒုက္ခသည်စခန်း မီးလောင်
2013.12.12
ရခိုင်ပြည်နယ် ပေါက်တောမြို့နယ် ငှက်ချောင်း မွတ်စလင်ဒုက္ခသည်စခန်းမှာ ဒီဇင်ဘာလ ၁၂ ရက်နေ့က မီးလောင်ကျွမ်းခဲ့တဲ့အိမ်တွေကို တွေ့ရစဉ်
ရခိုင်ပြည်နယ် ပေါက်တောမြို့နယ်အတွင်းမှာရှိတဲ့ ငှက်ချောင်း မွတ်စလင် ဒုက္ခသည်စခန်းမှာ ဒီကနေ့ နေ့လည်ပိုင်းက မီးလောင်ကျွမ်းခဲ့တာကြောင့် ဒုက္ခသည်တွေနေထိုင်တဲ့ ၈ ခန်းတွဲ တန်းလျားပေါင်း ၃၄ လုံး မီးလောင်ဆုံးရှုံးခဲ့ကြောင်း ပေါက်တောမြို့နယ် ရဲအရာရှိတစ်ဦးက RFA ကို ပြောကြားပါတယ်။
ငှက်ချောင်းဒုက္ခသည်စခန်းမှာ နေ့လည် ၁၂ နာရီလောက်က မီးစတင်လောင်ကျွမ်းခဲ့တာဖြစ်ပြီး ညနေ ၃ နာရီလောက်အကြာမှာ မီးငြိမ်းသွားခဲ့ကြောင်း အဲဒီရဲအရာရှိက ပြောပါတယ်။
အဲဒီ ငှက်ချောင်း မွတ်စလင် ဒုက္ခသည်စခန်းမှာ ပေါက်တောမြို့နယ် ချီးပိုက်ရွာသစ်နဲ့ ချီးပိုက်ရွာဟောင်းက မွတ်စလင်တွေ အများစုနေထိုင်ကြတာဖြစ်ပြီး ဒုက္ခသည်တန်းလျားပေါင်း ၈၀ ကျော်ရှိတယ်လို့ သိရပါတယ်။ အဲဒီစခန်းမှာ လူဦးရေဘယ်လောက်ရှိသလဲ ဆိုတာလည်း မသိရသေးကြောင်း၊ အခုလောလောဆယ်မှာ မီးလောင်ခံရတဲ့ ဒုက္ခသည်တွေအတွက် မြို့နယ်ဌာနဆိုင်ရာ တာဝန်ရှိသူတွေက ကူညီပေးနေတယ်လို့လည်း အဲဒီရဲအရာရှိကပြောပါတယ်။
အဲဒီမီးကြောင့် လူအသေအပျောက်ရှိ မရှိဆိုတာ မသိရသေးသလို ဘယ်ကနေ မီးစလောင်တယ်ဆိုတာလဲ မသိရသေးကြောင်း၊ ရဲတပ်ဖွဲ့အနေနဲ့ စုံစမ်းနေဆဲဖြစ်ကြောင်း ရခိုင်ပြည်နယ်စိုးရအဖွဲ့ရဲ့ သတင်းထုတ်ပြန်ရေးအဖွဲ့နဲ့ ပြည်နယ်မီးသတ်တပ်ဖွဲ့ဝင်တွေကပြောပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ