စစ်ကိုင်းပြတ်ရွေ့ကြောကြောင့် မြို့၁၀ မြို့မှာ ငလျင်အန္တရာယ် သတိထားဖို့ ထုတ်ပြန်

ရန်ကုန်နဲ့ မန္တလေးမြို့ဟာ စစ်ကိုင်းပြတ်ရွေ့ကြောအနီးမှာ ရှိနေပြီး အထပ်မြင့် အဆောက်အဦးတွေ များတဲ့အတွက် ငလျင်အန္တရာယ် ပိုမိုသတိထားဖို့နဲ့ အထပ်မြင့် အဆောက်အဦးတွေကို ငလျင်ဒဏ်ခံနိုင်ရည် ရှိ မရှိ ဆန်းစစ် ဖို့ မြန်မာနိုင်ငံ ငလျင်ကော်မတီက မနေ့က သတိပေးထုတ်ပြန်လိုက်ပါတယ်။

ရန်ကုန်မြို့နဲ့ မန္တလေးမြို့တွေမှာ လူနေထူထပ်တာကြောင့် အထပ်မြင့်အဆောက်ဦး တွေကို ငလျင်ဒဏ်ခံနိုင်မှု ရှိမရှိ ဆန်းစစ်သင့်တယ်လို့ မြန်မာနိုင်ငံ ငလျင်ကော်မတီ အတွင်းရေးမှုး ဒေါက်တာမျိုးသန့်က ပြောပါတယ်။

"ရန်ကုန်နဲ့ မန္တလေးမှာရှိတဲ့ အဆောက်အဦးတွေက ငလျင်ဒဏ်ဆိုတဲ့ဟာကို ထည့်သွင်းစဉ်းစားပြီး ဆောက် လုပ်တာ တော်တော်နည်းမယ်လို့ထင်တယ်။ ရန်ကုန်ရော မန္တလေးရောမှာရှိတဲ့ အဆောက်ဦးတော်တော် များများဟာ ငလျင်လှုပ်ခဲ့မယ်ဆိုရင် ဒဏ်ခံရနိုင်တာ ရာခိုင်နှုန်းတော်တော်များပါတယ်။ မြို့ကြီးတွေပေါ့ ၊ အထူးသဖြင့် ရန်ကုန်လို မန္တလေးလို မြို့ကြီးတွေအနေနဲ့ ရှိနေတဲ့အဆောက်ဦးတွေကို ငလျင်ဒဏ်ခံနိုင်မှု ရှိမရှိ အသေးစိတ်ပေါ့ စစ်ဆေးမှုတွေမလုပ်နိုင်တောင်မှပဲ မြန်မြန်ဆန်ဆန်လေ့လာနိုင်တဲ့ နည်းပညာတွေ သုံးပြီး လေ့လာလို့ရပါတယ်" လို့ ဒေါက်တာမျိုးသန့် က ပြောတာဖြစ်ပါတယ်။