ဒေါက်တာခလမ်ဆမ်ဆွန်ကို ပထမဆုံးအကြိမ်ရုံးထုတ်၊ မိသားစုတွေ့ခွင့်မရ
2023.01.11
စစ်ကောင်စီက ဖမ်းဆီးတရားစွဲဆိုထားတဲ့ ကချင်နှစ်ခြင်းခရစ်ယာန်အဖွဲ့ချုပ်အကြံပေး ဒေါက်တာခလမ်ဆမ်ဆွန်ကို ဇန်နဝါရီလ ၁၁ ရက်နေ့ ဒီနေ့မှာ မြစ်ကြီးနားအကျဉ်းထောင်အထူးတရားရုံးမှာ ပထမဆုံးအကြိမ်ရုံးထုတ်ခဲ့ပြီး ရှေ့နေတွေနဲ့ တွေ့ခွင့်ရခဲ့တယ်လို့ မိသားစုနဲ့ ဒေါက်တာဆမ်ဆွန်ရှေ့နေက RFA ကိုပြောပါတယ်။
“ မြစ်ကြီးနားအကျဉ်းထောင် အထူးတရားရုံးမှာ ရုံးထုတ်တယ်။ ဆရာက နေကောင်းပါတယ်။ ဒီနေ့ ရုံးထုတ်မှာ ကျွန်မတို့ ဘာကြောင့်တရားစွဲဆိုလဲဆိုတဲ့ အကြောင်းအရာအသေးစိတ်ကို မသိရဘူး။ တရားလိုဘက်က သက်သေလည်း မလာတော့ ဆရာနဲ့ပဲ စကားပြောဖြစ်ခဲ့တယ်။” လို့ ဒေါက်တာဆမ်ဆွန်အမှုကို လိုက်ပါဆောင်ရွက်ပေးမယ့် တရားလွှတ်တော်ရှေ့နေ ဒေါ်ဒေါင်နန်းက ပြောပါတယ်။
ဒေါက်တာခလမ်ဆမ်ဆွန်ကို မတရားအသင်းဆက်သွယ်မှုဥပဒေပုဒ်မ ၁၇ -၁၊ ရာဇသတ်ကြီးဥပဒေပုဒ်မ ၅၀၅(က) တို့နဲ့ စစ်ကောင်စီက တရားစွဲထားတယ်လို့ ဒေါ်ဒေါင်နန်း ကပြောပါတယ်။
နောက်တစ်ကြိမ်ရုံးချိန်းကို ဇန်နဝါရီလ ၁၃ ရက်နေ့ကို ပြန်လည်ချိန်းဆိုထားပါတယ်။
ဒေါက်တာခလမ်ဆမ်ဆွန်ရဲ့ ဇနီးဒေါ်ဇုန်းညော်ကတော့ စစ်ကောင်စီက ဒီဇင်ဘာလ ၄ ရက်နေ့ ဒေါက်တာဆမ်ဆွန်ကို ဖမ်းဆီးသွားချိန်ကတည်းက မိသားစုနဲ့ တွေ့ခွင့်မရသေးကြောင်းနဲ့ တွေ့ခွင့်ရလိုတယ်လို့ ပြောပါတယ်။
ဒေါက်တာခလမ်ဆမ်ဆွန်ဟာ သွေးတိုးနဲ့ မွေးရာပါ အဆုတ်အားနည်းရောဂါရှိသူတစ်ဦး ဖြစ်ပါတယ်။
သူ့ကို စစ်ကောင်စီက ဒီဇင်ဘာလ ၄ ရက်နေ့က မန္တလေးလေဆိပ်မှာ ဖမ်းဆီးသွားခဲ့တာဖြစ်ပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ