ဒေါက်တာခလမ်ဆမ်ဆွန် အမှုနှစ်ခုနဲ့ စွဲချက်တင်ခံရ

RFA Burmese
2023.03.01
ဒေါက်တာခလမ်ဆမ်ဆွန် အမှုနှစ်ခုနဲ့ စွဲချက်တင်ခံရ ကချင်နှစ်ခြင်း ခရစ်ယာန်အဖွဲ့ချုပ် (KBC) ဥက္ကဋ္ဌဟောင်း ဒေါက်တာ ခလမ်ဆမ်ဆွန်အား ၂၀၁၉ ခုနှစ်၊ စက်တင်ဘာလ ၁၉ ရက်နေ့က တွေ့ရစဉ်။
RFA

ကချင်နှစ်ခြင်း ခရစ်ယာန်အဖွဲ့ချုပ် (KBC) ရဲ့ အကြံပေး ပုဂ္ဂိုလ်တစ်ဦးဖြစ်တဲ့ ဒေါက်တာခလမ်ဆမ်ဆွန်ဟာ မတရားအသင်း ဆက်သွယ်မှု အက်ဥပဒေပုဒ်မ ၁၇ (၁)၊ ရာဇသတ်ကြီးပုဒ်မ ၅၀၅-က ပုဒ်မတွေနဲ့ စွပ်စွဲထားတဲ့ အမှုနှစ်ခုအတွက် ဖေဖော်ဝါရီလ ၂၈ ရက်နေ့ ရုံးချိန်းမှာ စွဲချက်တင်ခံလိုက်ရတယ်လို့ မိသားစုဝင်တွေက ပြောပါတယ်။

မြစ်ကြီးနားထောင်တွင်း တရားရုံးရဲ့ ငါးကြိမ်မြောက် ရုံးချိန်းမှာ စွဲချက်တင်ခဲ့တာလို့လည်း ဒေါက်တာခလမ်ဆမ်ဆွန်ရဲ့ အကျိုးဆောင်ရှေ့နေ ဒေါ်ဒေါင်နန်းက ပြောပါတယ်။

"စွဲချက်တင်လိုက်တာ ဟုတ်ပါတယ်။ လာမယ့် ၇ ရက်နေ့မှာ စွဲချက်တင်လိုက်တဲ့ အမှုနှစ်ခုအတွက် စစစ်ဆေးမှာပါ"

မနေ့ကရုံးချိန်းမှာပဲ နောက်ထပ် စွပ်စွဲထားတဲ့ အကြမ်းဖက်မှု တိုက်ဖျက်ရေးဥပဒေ ဥပဒေပုဒ်မ ၅၂ (က) အမှုအတွက် အမှုစစ် အရာရှိကို စစ်ဆေးခဲ့ပါတယ်။ အဲဒီအမှုကိုတော့ စွဲချက် တင်သင့်၊ မတင်သင့် မတ်လ ၇ ရက်နေ့ရုံးချိန်းမှာ နှစ်ဖက်လုံးက လျှောက်လဲချက်ပေးဖို့ရှိနေတယ်လို့ ဆိုပါတယ်။

ဒေါက်တာ ခလမ်ဆမ်ဆွန်ကို ၂၀၂၂ ခုနှစ် ဒီဇင်ဘာ ၄ ရက်နေ့က ထိုင်းနိုင်ငံကို ဆေးကုသဖို့ သွားတဲ့အချိန် မန္တလေးလေဆိပ်မှာ စစ်ဘက်ဆိုင်ရာ လုံခြုံရေးတပ်ဖွဲ့ (စရဖ) က ဖမ်းဆီးခဲ့တာပါ။

ဒေါက်တာ ခလမ်ဆမ်ဆွန်ဟာ ကချင်စစ်ဘေးဒုက္ခသည် ကူညီကယ်ဆယ်ရေးနဲ့ စစ်ဘေးဒုက္ခသည်တွေ နေရပ်ပြန်ရေး ကြိုးပမ်းနေသူတစ်ဦးဖြစ်ပြီး မွေးရာပါအဆုတ် အားနည်းသူဖြစ်တာကြောင့် ထောင်တွင်းမှာ ဆေးကုသမှု ခံနေရပါတယ်။  

 

 

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။