ဒေါ်အောင်ဆန်းစုကြည်နဲ့ ဦးရွှေမန်း ရွေးကောက်ပွဲအပြီး ၅ ကြိမ်မြောက် သီးသန့်တွေ့ဆုံ

ဒေါ်အောင်ဆန်းစုကြည်နဲ့ အန်အယ်လ်ဒီပါတီကို ကြိုဆိုဂုဏ်ပြုရမယ်လို့ ပြည်သူ့လွှတ်တော်ဥက္ကဌ သူရဦးရွှေမန်းက သူ့ရဲ့ဖေ့စ်ဘွတ်မှာ ရေးသားလိုက်ပါတယ်။

ပြည်သူ့လွှတ်တော်ဥက္ကဌရုံးခန်းမှာ လွှတ်တော်ဥက္ကဌ သူရဦးရွှေမန်းနဲ့ ဒေါ်အောင်ဆန်းစုကြည်တို့ ဒီနေ့ သီးသန့်တွေ့ ဆုံခဲ့ပါတယ်။ အဲဒီတွေ့ဆုံအပြီးမှာ သူရဦးရွှေမန်းက"သူနှင့်သူ့ပါတီဟာ အောင်နိုင်ထားပြီးဖြစ်သော်လည်း မာန်မာန မရှိဘဲ အပြုသဘောဆောင်ပြီး နှိမ့်ချဆောင်ရွက်မှုတွေ၊ အမျိုးသားပြန်လည်သင့်မြတ်ရေးနှင့် တိုင်းရင်းသား စည်းလုံးညီညွတ်ရေးအတွက် ဆောင်ရွက်နေတာတွေကို ကြိုဆိုရမယ်၊ ဂုဏ်ပြုရမယ်။" လို့ ရေးသားထားပါတယ်။