MDCF ခေါင်းဆောင် ဦးထင်ကျော်အမှု နှစ်ဖက်လျှောက်လဲချက်တင်


2018.12.13
htinkyaw-mdcf-622.jpg MDCF ခေါင်းဆောင် ကိုထင်ကျော် ကို ၂၀၁၆ ခုနှစ် အောက်တိုဘာလ ၂၇ ရက်နေ့က ရန်ကုန်တိုင်း မြောက်ဥက္ကလာပမြို့နယ် တရားရုံးမှာ ရုံးထုတ်လာစဉ်
Photo:Aung Thain Kha/RFA
နိုင်ငံတော်အကြည်ညိုပျက်စေမှု ပုဒ်မ ၅၀၅-ခ နဲ့ ရန်ကင်းမြို့နယ် တရားရုံးမှာ တရားစွဲဆိုခံထားရတဲ့ ဒီမိုကရေစီ အရေး စဉ်ဆက်မပြတ်လှုပ်ရှားမှု အင်အားစုကော်မတီ MDCF ခေါင်းဆောင် ဦးထင်ကျော်အမှုကို ဒီနေ့ နှစ်ဖက်လျှောက်လဲချက်တင်ခဲ့ပြီး စွဲချက်တင်မယ့်အမိန့်ကို ဒီဇင်ဘာလ ၂၇ ရက်နေ့မှာ ရန်ကင်းမြို့နယ်တရားရုံးက ချမှတ်မယ်လို့ သိရပါတယ်။

ကိုထင်ကျော်ရဲ့ အမျိုးသမီး ဖြစ်သူ မသန်းသန်းမော်က ပုဒ်မ ( ၅၀၅ ခ) နဲ့စွဲဆိုတဲ့ အမှုအများစုဟာ အမှုမြောက်ကြောင်း အမိန့်ချတာများတဲ့အတွက် စွဲချက်တင်သွားမှာဖြစ်တယ်လို့ မျှော်လင့်ကြောင်း RFA ကို ပြောပါတယ်။

ဂရိတ်နိုင်း ကျောက်မျက်ရတနာကုမ္ပဏီပိုင်ရှင် ဦးအိုက်လင်းရဲ့ လုပ်ဆောင်မှုနဲ့ ပတ်သက်ပြီး လက်ရှိအစိုးရ လက်ထက်မှာ အမှုရုပ်သိမ်းခဲ့တဲ့အတွက် ၂၀၁၈ ခုနှစ် ဒီဇင်ဘာက ရန်ကင်းမြို့နယ် တရားရုံးရှေ့မှာ တရားရေးနဲ့ အစိုးရကို ကိုထင်ကျော်က ဝေဖန်ပြောဆိုခဲ့တဲ့အတွက် နိုင်ငံတော် အကြည်အညိုပျက်စေမှု ပုဒ်မနဲ့ တရားစွဲဆိုခံ ခဲ့ရတာ ဖြစ်ပါတယ်။

ရန်ကင်းမြို့နယ်တရားရုံးမှာ ၂၀၁၆ ခုနှစ်က အမှု ပြောင်းရွှေ့စစ်ဆေးခဲ့ပေမယ့် ဦးအိုက်လင်းကို ဥပဒေအရ ထိုက်သင့်သလို အရေးမယူတဲ့အတွက် ကိုထင်ကျော်က ဝေဖန်ခဲ့တာလို့ သိရပါတယ်။

ဒီသတင်းကို RFA သတင်းထောက် ကိုအောင်သိင်္ခပေးပို့လိုက်တာပါ။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။