မြန်မာပြန် တရုတ်နိုင်ငံသားအချို့ ကိုဗစ်ကူးစက်ခံထားရ

2021.07.20
မြန်မာပြန် တရုတ်နိုင်ငံသားအချို့ ကိုဗစ်ကူးစက်ခံထားရ တရုတ်-မြန်မာနယ်စပ် မန့်ဝိန်းဂိတ်ကို တွေ့ရစဉ်
Photo: RFA
မြန်မာနိုင်ငံနဲ့ကပ်လျက် တရုတ်နိုင်ငံ ယူနန်ပြည်နယ်ထဲမှာ COVID-19 အတည်ပြုလူနာသစ်တွေ မနေ့က စစ်ဆေးတွေ့ရှိခဲ့ပြီး အဲဒီလူနာတွေအားလုံးဟာ မြန်မာနိုင်ငံကနေ မကြာသေးခင်ကပဲ ပြန်လာခဲ့ကြတဲ့ တရုတ် နိုင်ငံသားတွေဖြစ်တယ်လို့ Reuters သတင်းမှာ ဒီနေ့ဖော်ပြထားပါတယ်။
 
ဇူလိုင်လ ၁၉ ရက်နေ့က တရုတ်နိုင်ငံမှာ အတည်ပြုလူနာသစ် ၆၅ ယောက်ရှိခဲ့ပြီး အဲဒီအထဲက ၄၁ ယောက် ဟာ ယူနန်ပြည်နယ်မှာ စစ်ဆေးတွေ့ရှိခဲ့တာပါ။ မြန်မာနိုင်ငံမှာ ကိုဗစ်တတိယလှိုင်း ပြင်းထန်နေလို့ တရုတ်-မြန်မာ နယ်စပ်ကုန်သွယ်ရေးဂိတ်တွေကို ပိတ်ထားပါတယ်။ နယ်စပ်အဝင်အထွက်တွေကိုလည်း တင်းကျပ် ထားပါတယ်။
 
ဇူလိုင်လ ၁၉ ရက်နေ့တုန်းက မြန်မာနိုင်ငံမှာ ကိုဗစ်အတည်ပြုလူနာသစ် ငါးထောင့်နှစ်ရာနီးပါးရှိပြီး သေဆုံး သူက ၂၈၁ ယောက်ရှိတယ်လို့ စစ်ကောင်စီထိန်းချုပ်တဲ့ ကျန်းမာရေးဝန်ကြီးဌာနက ကြေညာပါတယ်။ ဒါပေမဲ့ ရန်ကုန်မြို့တစ်ခုထဲမှာတင် ကိုဗစ်ကြောင့်သေဆုံးသူ အခုရက်ပိုင်းတွေမှာ နေ့စဉ် ငါးရာထက်မနည်း ရှိနေတယ် လို့ ကျန်းမာရေးကူညီပေးနေတဲ့ ပရဟိတအဖွဲ့တွေက ပြောကြပါတယ်။
 
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။