တရုတ်မြန်မာအကျိုးတူ စီမံကိန်းတွေ အကောင်အထည်ဖို့ တရုတ် နိုင်ငံခြားရေးဝန်ကြီးပြော

အမေရိကန် ပြည်ထောင်စု နယူးယောက်မြို့က ကုလသမဂ္ဂရုံးချုပ်မှာ ကျင်းပတဲ့ အထွေထွေ ညီလာခံ ကာလ အတွင်း အခုလို တွေ့ဆုံတာလို့ တရုတ်အစိုးရ ဆင်ဝှါသတင်းဌာနက ဒီကနေ့ ကြေညာပါတယ်။

မြန်မာနိုင်ငံခြားရေးဝန်ကြီးနဲ့ တွေ့ရာမှာ တရုတ်နိုင်ငံခြားရေးဝန်ကြီး ယန်ကျိချီက တရုတ်မြန်မာ မဟာ ဗျူဟာမြောက် အကျိုးတူ ဆက်ဆံရေး တိုးတက်လာဖို့ ၂ နိုင်ငံ အဆင့်မြင့်အရာရှိချင်း စဉ်ဆက်မပြတ် ဆက်ဆံရေး ထားရှိဖို့ ၊ ၂ နိုင်ငံ အကျိုးတူ စီမံကိန်းတွေကို ပြီးမြောက်အောင် ဆောင်ရွက်ဖို့နဲ့ နိုင်ငံတကာနဲ့ ဒေသတွင်း ကိစ္စရပ်တွေမှာ ပူးပေါင်းဆောင်ရွက်ဖို့ကို တရုတ်နိုင်ငံခြားရေး ဝန်ကြီးက တိုက်တွန်းခဲ့တယ်လို့ ဆိုပါတယ်။

တရုတ်နိုင်ငံ အနေနဲ့ မြန်မာနိုင်ငံမှာ တည်ငြိမ်အေးချမ်းဖို့နဲ့ ဖွံ့ဖြိုးတိုးတက်ဖို့ အတွက် နိုင်ငံတကာ အသိုင်းအဝိုင်းနဲ့ အတူ ကူညီဖို့ ဆန္ဒရှိတယ်လို့လည်း ပြောကြားခဲ့ကြောင်း ဆင်ဝှါသတင်းမှာ ဖော်ပြထားပါတယ်။