လှေစီး ဒုက္ခသည်ကိစ္စ ရခိုင်မှာ ဆန္ဒပြမည်
2015.06.07
လှေစီးဒုက္ခသည် ၃ဝဝ ရာကျော်ကို ရခိုင်ပြည်နယ် မောင်တောမြို့နယ် တောင်ပြိုလက်ဝဲမြို့နယ်မှာ ဇွန်လ ၄ ရက်နေ့က တွေ့ရစဉ်
ရခိုင်ပြည်နယ်မှာ အာဏာပိုင်တွေက ဘင်္ဂလားဒေ့ရှ် နိုင်ငံသားအများစုပါဝင်တဲ့ လှေစီးဒုက္ခသည်တွေကို လာရောက်နေရာချထားတဲ့အပေါ် မကျေနပ်တဲ့ ဒေသခံတွေ ဇွန်လ ၁၄ ရက်နေ့မှာ ကန့်ကွက်ဆန္ဒပြကြဖို့ စီစဉ်နေကြောင်း သိရပါတယ်။
ပြီးခဲ့တဲ့ မေလ ၂၁ ရက်နေ့က မောင်တောမြို့နယ်အနီး မြန်မာ့ရေပိုင်နက်အတွင်းမှာ ဘင်္ဂလားဒေ့ရ်ှနိုင်ငံသား ၂ဝဝ ပါဝင်တဲ့ စက်လှေတစ်စီးကို ရေတပ်က တွေ့ရှိခဲ့တဲ့အတွက် ကယ်တင်ထားပြီး ရခိုင်ပြည်နယ် တောင်ပြိုလက်ဝဲ မြို့နယ်ခွဲကို ပို့ဆောင်ထားပါတယ်။
ဒါ့အပြင် မေလ ၂၉ ရက်နေ့က ဧရာဝတီတိုင်းဒေသကြီး ဖျာပုံမြို့နယ်အနီးမှာ တွေ့ရှိကယ်တင်ခဲ့တဲ့ လှေစီး ဒုက္ခသည် ၇ဝဝ ကျော်ကိုလည်း ရခိုင်ပြည်နယ် မောင်တောမြို့နယ်မှာ ယာယီနေရာချထားခဲ့ပါတယ်။
အခုလို လှေစီးဒုက္ခသည်တွေကို ရခိုင်ပြည်နယ်အတွင်း လာရောက်နေရာချထားခဲ့တာနဲ့ ပတ်သက်လို့ ပြီးခဲ့တဲ့ စနေနေ့က ဒေသခံအရပ်ဘက်အဖွဲ့အစည်းတွေ စစ်တွေမြို့မှာ တွေ့ဆုံခဲ့ကြပြီး၊ လာမယ့်ဇွန်လ ၁၄ ရက်နေ့မှာ ကန့်ကွက်ဆန္ဒပြကြဖို့ ဆုံးဖြတ်ခဲ့ကြကြောင်း AFP သတင်းက ဖော်ပြပါတယ်။
ဒါ့ပြင် အဲ့ဒီနေ့မှာ ပူးပေါင်းပါဝင်ကြဖို့ တခြားမြို့တွေကိုလည်း ဆက်သွယ်မှာဖြစ်တယ်လို့ ဆွေးနွေးပွဲ တက်ရောက်ခဲ့သူတစ်ဦးက ပြောဆိုခဲ့ကြောင်းလည်း ဖော်ပြပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- မြန်မာမှာ စစ်အာဏာရှင်စနစ်အဆုံးသတ်မှ နျူကလီးယားကိစ္စပြုလုပ်ဖို့ နိုင်ငံတကာကို ဦးကျော်မိုးထွန်းတိုက်တွန်း
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)