မြန်မာ-ဘင်္ဂလားဒေ့ရှ် နယ်မြေအငြင်းပွားမှု ဂျာမဏီမှာ ဆက်လက်စစ်ဆေး

အဲဒီ ကြားနာပွဲကို မြန်မာနိုင်ငံဘက်က အစိုးရကိုယ်စားလှယ်ဖြစ်တဲ့ ပြည်ထောင်စုရှေ့နေချုပ် ဒေါက်တာထွန်းရှင်က ရှင်းလင်း လျှောက်ထားခဲ့တယ်လို့ တရားခွင်ကို သွားရောက်လေ့လာခဲ့တဲ့ ဂျာမဏီနိုင်ငံရောက် မြန်မာကျောင်းသားတဦးက အာရ်အက်ဖ်အေကို ပြောပါတယ်။

ဘင်္ဂလားဒေ့ရှ်နိုင်ငံအတွက်ပထမအကြိမ် တရားရုံးရှေ့မှောက် ကြားနာစစ်ဆေးတာတွေကို စက်တင်ဘာလ ၈ ရက်ကနေ ၁၃ ရက်နေ့အထိ ပြုလုပ်ခဲ့ပြီး မြန်မာနိုင်ငံအတွက် ကြားနာမှုတွေကို စက်တင်ဘာလ ၁၅ ရက် ကနေ ၂ဝ ရက်နေ့အထိ ပြုလုပ်သွားမယ်လို့ တရားခွင်ကို သွားရောက် လေ့လာခဲ့သူတဦးက ပြောပါတယ်။

မြန်မာနိုင်ငံနဲ့ ဘင်္ဂလားဒေ့ရှ်နိုင်ငံတို့ဟာ ဘင်္ဂလားပင်လယ်အော်ထဲက စိန်မာတင်ကျွန်း အနီးက ရေပိုင်နက်နဲ့ ပတ်သက်ပြီး အပြည်ပြည်ဆိုင်ရာ ပင်လယ် တရားဥပဒေရုံးမှာ ဆုံးဖြတ်ချက် ခံယူဖို့ ကြားနာနေတာ ဖြစ်ပါတယ်။