NLD ကို ဖျက်သိမ်းသည့်သတင်း ကုလ အတွင်းရေးမှူးချုပ် စိုးရိမ်

မြန်မာ စစ်အစိုးရက အင်အယ်လ်ဒီ ပါတီကို နိုင်ငံရေးပါတီအဖြစ်က ဖျက်သိမ်းလိုက်တယ်ဆိုတဲ့ ကြေညာချက်နဲ့ ပတ်သက်ပြီး ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက စိုးရိမ်ပူပင်မိတယ်လို့ ထုတ်ဖော် ပြောကြားလိုက်ပါတယ်။

2010.09.16
ban_ki-moon_ethnic_groups_305_z.jpg ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းနှင့် အပစ်အခတ်ရပ် တိုင်းရင်းသားအဖွဲ့များ နေပြည်တော်ရှိ မြတော်ဝင် ဟိုတယ်တွင် ၂ဝဝ၉ ခုနှစ် ဇူလိုင်လ ၃ရက်နေ့က တွေ့ဆုံစဉ် မှတ်တမ်းပုံ ဖြစ်ပါသည်။
(UN Photo/Mark Garten)

မြန်မာစစ်အစိုးရက အင်အယ်လ်ဒီ အပါအဝင် နိုင်ငံရေးပါတီ ၁၀ ခုကို ဖျက်သိမ်းလိုက်တယ်ဆိုတာကြောင် ပူပင်ကြောင့်ကြစိတ်ဖြစ်ရတယ်။ နိုင်ငံရေးပါတီတွေ စိတ်ပါဝင်စားသူတွေ အားလုံး တပြေးညီ ပါဝင်နိုင်တဲ့ ရွေးကောက်ပွဲမျိုး ဖြစ်အောင် စစ်အစိုးရအနေနဲ့ လုပ်ဆောင်ဖို့ ထပ်မံ တိုက်တွန်းလိုက်တယ်လို့ သူ့ရဲ့ ပြောရေးဆိုခွင့်ရှိသူ မာတင် နီဇားကီးက ပြောကြားပါတယ်။

စက်တင်ဘာ ၁၅ ရက် မနေ့က စောစောပိုင်းကလည်း ပြင်သစ် နိုင်ငံခြားရေးဝန်ကြီးဌာန ပြောခွင့်ရှိ အရာရှိက စစ်အစိုးရ ကြေညာချက်နဲ့ ပတ်သက်လို့ အံ့သြ တုန်လှုပ်မိကြောင်း၊ အခုပုံစံအတိုင်းဆိုရင် နိုဝင်ဘာလ ရွေးကောက်ပွဲဟာ ယုံကြည်လက်ခံနိုင်ဖွယ် မရှိတော့တဲ့ အကြောင်း ပြောကြားခဲ့ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။