ဝိုင်းမော်မှာ တစ်ရှူးးငှက်ပျောစိုက်တဲ့ တရုတ်နိုင်ငံသားငါးဦးကို ဖမ်းဆီး

2019.05.20
tissue-banana-622.jpg တစ်သျှူးငှက်ပျော စိုက်ခင်းတစ်ခုကို တွေ့ရစဉ်
Photo: RFA
အသံဖိုင် နားဆင်ရန်နှင့် ရယူရန်
နားထောင်ရန် အသံဖိုင်ယူရန်

ကချင်ပြည်နယ် ဝိုင်းမော်မြို့နယ် အောင်မြေ (၂) ကျေးရွာမှာ တစ်ရှူးငှက်ပျောစိုက်ပျိုးဖို့ ပြင်ဆင်နေတဲ့ ဂျိန်းဖေါ့နဒီ ကုမ္ပဏီ မန်နေဂျာ အပါအဝင် တရုတ်နိုင်ငံသား ငါးဦးကို သစ်တောကြိုးဝိုင်းအတွင်း ဝင်ရောက်နေထိုင်မှုနဲ့ ဝိုင်းမော်မြို့နယ် ရဲတပ်ဖွဲ့က ဖမ်းဆီးလိုက်ပါတယ်။

လက်ရှိမှာတော့ ကုမ္ပဏီမန်နေဂျာကို ကျန်းမာရေး အခြေအနေအရ အာမခံနဲ့ပြန်လွှတ်ပေးထားပြီး ကျန်တဲ့ တရုတ်နိုင်ငံသားတွေကိုတော့ ဝိုင်းမော်အချုပ်ခန်းထဲမှာ ဖမ်းဆီးထားဆဲဖြစ်တယ်လို့ အောင်မြေ (၂) အုပ်ချုပ်ရေးမှူး ဦးဇော်ဘောက်က RFA ကို ပြောပါတယ်။

အောင်မြေ (၂) ကျေးရွာမှာ နောက်ထပ် စိုက်ပျိုးဧက အသစ်ဖော်ထုတ်ရာမှာ သစ်တောကြိုးဝိုင်းထဲက နေရာတွေပါဝင်တယ်ဆိုပြီး ကုမ္ပဏီ မန်နေဂျာအပါအဝင် တရုတ်နိုင်ငံသား ငါးဦးကို ဝိုင်းမော်မြို့နယ် သစ်တောဦးစီးဌာနက အမှုဖွင့်ထားတာလို့ သိရပါတယ်။

ကချင်ပြည်နယ် မြစ်ကြီးနားခရိုင်နဲ့ ဗန်းမော်ခရိုင်မှာ တစ်ရှူးငှက်ပျောစိုက်ပျိုး ဧက တစ်သိန်းကျော်ရှိနေတယ်လို့ မြေယာလုံခြုံမှုနဲ့ သဘာဝပတ်ဝန်းကျင် ထိန်းသိမ်းရေးကွန်ယက်အဖွဲ့ သုတေသနအစီရင်ခံစာမှာ ဖော်ပြထားပါတယ်။

ဂျိန်းဖေါ့နဒီ ကုမ္ပဏီဟာ ဝိုင်းမော်မြို့နယ် အောင်မြေ ကျေးရွာ ၁၊ ၂ အတွင်းက မြေဧက ၃၀၀ မှာ တစ်ရှူးငှက်ပျောစိုက်ပျိုးရေး လုပ်ကိုင်နေတာဖြစ်ပါတယ်။

ဒီသတင်းကို RFA သတင်းထောက် မအဲလိဇဘက်ဂျန်မာ ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။