မတရားအသင်းနဲ့ ဖမ်းဆီးထားသူတွေကို လွှတ်ပေးဖို့ AHRC တောင်းဆို

မတရားအသင်းနဲ့ ဆက်သွယ်တယ်ဆိုတဲ့ စွပ်စွဲချက်နဲ့ ဖမ်းဆီးခံထားရတဲ့ ကချင်ပြည်နယ်က အပြစ်မရှိ တဲ့ ကျေးရွာသူ ကျေးရွာသားတွေကို စိစစ်ပြီး အမြန်ဆုံးပြန်လွှတ်ပေးဖို့နဲ့ စစ်ပွဲတွေရပ်ဆိုင်း ဖို့ AHRC လို့ ခေါ်တဲ့ အာရှလူ့အခွင့်အရေးကော်မရှင် က မနေ့က တိုက်တွန်းလိုက်ပါတယ်။

2013.01.22

နှစ်ဘက်တိုက်ပွဲတွေအတွင်း မတရားအသင်းနဲ့ ဆက်သွယ်မှုနဲ့  ဖမ်းဆီးထားတဲ့ အမှု ၃၆မှုနဲ့ ပတ်သက်ပြီး မေတ္တာရပ်ခံစာ ထုတ်ပြန်တာလို့ AHRC ရှေ့နေ ဦးမင်းလွင်ဦး ကအခုလို ပြောပါတယ်။

“နှစ်ဘက်စစ်ပွဲတွေ ဖြစ်ပွားနေတဲ့ကြားထဲမှာ ရွာသားတွေကို မတရားအသင်းနဲ့ ဆက်သွယ်ဆောင်ရွက်တယ်ဆိုပြီး ပုဒ်မတွေတပ်ပြီးတော့ ဖမ်းဆီးနှိပ်စက်တာတွေရှိတယ်၊ အရေးယူထားတာတွေရှိတယ်၊ အဲဒီ့လူတွေကို တရားရုံးတင်စစ်ဆေးခြင်းမရှိဘဲနဲ့ အကျဉ်းထောင်တွေအတွင်းမှာ ယမန်လည်းမယူဘဲနဲ့ ယခုထက်တိုင် ချုပ်နှောင်ထားတယ်၊ တချို့ရုံးတင်ပြီးတော့ စစ်ဆေးတဲ့အမှုတွေမှာလည်း သက်သေအထောက်အထား ခိုင်ခိုင်လုံလုံမရှိဘဲနဲ့ အပြစ်ပေးဖို့ဆောင်ရွက်နေတာကိုလည်း ကျနော်တို့ ကြားသိရတယ်”

တိုက်ပွဲတွေဖြစ်ပွားတဲ့ဒေသတွေမှာ ရွာသားတွေဟာ အစိုးရတပ်လာရင် ဆက်ဆံရပြီး  KIO/KIA  တို့ဘက်က ဝင်လာရင်လည်း ဆက်ဆံကြရတယ်လို့ဆိုပါတယ်။

AHRC က ထုတ်ပြန်တဲ့ ကြေညာချက်မှာ မဟုတ်မမှန်ဘဲ ဖောက်ခွဲမှုနဲ့ စွပ်စွဲခံရသူ၊ ကေအိုင်အေ အရာရှိလို့ စွပ်စွဲခံရသူ၊ ကေအိုင်အေနဲ့ ဆက်သွယ်တယ်လို့ စွပ်စွဲခံရသူတွေရဲ့ မိသားစုဝင်တွေရဲ့ ထွက်ဆိုချက်တွေကိုလည်း ပူးတွဲတင်ပြထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။