၈၈မျိုးဆက်တွေရဲ့ ချင်းပြည်နယ် ခရီးစဉ်မှာ နှောင့်ယှက်မှုတွေရှိ
2013.03.09
ချင်းပြည်နယ်၊ ဖလန်းမြို့ကို မတ်လ ၉ ရက်နေ့က ရောက်ရှိနေတဲ့ ၈၈မျိုးဆက်ကျောင်းသားတွေနဲ့ ဒေသခံများ တွေ့ဆုံခဲ့စဉ်
ချင်းပြည်နယ်မှာ ပွင့်လင်းလူ့အဖွဲ့အစည်း ခရီးစဉ်အဖြစ် ရောက်နေကြတဲ့ ၈၈မျိုးဆက်ကျောင်းသားတွေရဲ့ ဟောပြောပွဲ တစ်ချို့ကို ဒေသဆိုင်ရာ အာဏာပိုင်တွေက ပိတ်ပင်တားဆီးတာတွေ ရှိခဲ့တယ်လို့ ၈၈မျိုးဆက်ကျောင်းသား ခေါင်းဆောင်တွေက မတ်လ ၉ ရက် ဒီကနေ့မှာ RFA ကို ပြောပါတယ်။
ဖလမ်းမြို့၊ ကလေးမြို့တို့မှာ ဟောပြောပွဲ ပိတ်ပင်တားဆီးခံခဲ့ရတဲ့ အခြေအနေနဲ့ ပတ်သက်ပြီး ၈၈မျိုးဆက်ကျောင်းသူ မမီးမီးက အခုလို ပြောပါတယ်။
“ဖလမ်းမှာ၊ တီးတိန်မှာရော ရိခေါဒါရ်မှာရော ဟောပြောမည့်နေရာတွေ က ဟောပြောခွင့်ကို ခွင့်ပြုမိန့်မရဘူး၊ စီစဉ်ပြီးသားဖြစ်တဲ့အတွက် ဒေသခံတွေကတော့ အိမ်တစ်အိမ်မှာ စီစဉ်လိုက်တာမျိုးတွေရှိတယ်၊ လုံခြုံရေးအရ ခွင့်မပြုနိုင်ဘူးဆိုပြီးမှ သူတို့ဘာသာအကြောင်းပြတယ်၊ ဌာနဆိုင်ရာဝန်ထမ်းတွေ ဒီဟောပြောပွဲကို မတက်ရောက်ရဘူးဆိုတဲ့ နှုတ်နဲ့လှမ်းပြီးတော့ တားတာတွေကြားရတယ် ”
ဒီကနေ့မှာ ချင်းပြည်နယ် ဖလမ်းမြို့က မြို့နယ်ခန်းမမှာ ဟောပြောပွဲလုပ်ဖို့ ရည်ရွယ်ထားပေမယ့် အာဏာပိုင်တွေရဲ့ ပိတ်ပင်မှုကြောင့် ဖလမ်းမြို့ပေါ်က ခရစ်ယာန်ဘုရားကျောင်းတစ်ခုမှာ လုပ်ခဲ့ရတယ်လို့ သိရပါတယ်။
ဟားခါးမြို့မှာတော့ ဟောပြောမယ့်နေရာ အခုထိအဆင်မပြေသေးဘူးလို့ မမီးမီးက ပြောပါတယ်။
၈၈မျိုးဆက်ခေါင်းဆောင်တွေဟာ ချင်းပြည်နယ်ခရီးစဉ်ကို မတ်လ ၅ ရက်နေ့ စတင်ခဲ့တာဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ