བཀྲས་མཐོང་དབང་པོ་ལཊ་ཀྱིས་ལས་འཁུར་དམ་འབུལ་བྱས་འདུག
2014.05.06
བཀྲས་མཐོང་དབང་པོ་ལཊ་ཀྱིས་ལས་འཁུར་དམ་འབུལ་རྗེས་ཚོགས་གཙོས་མཇལ་དར་སྒྲོན་བཞིན་པ། ༢༠༡༤།༥།༦
ཡིག་ཐོག་གསར་འགྱུར།
བོད་མི་མང་ཡོ་རོབ་སྤྱི་འཐུས་བཀྲས་མཐོང་བསྟན་འཛིན་དབང་པོ་ལགས་ཀྱིས་སྤྱི་འཐུས་ཀྱི་ལས་འཁུར་དམ་འབུལ་གནང་འདུག དེ་ཡང་སྐབས་བཅོ་ལྔ་པའི་བོད་མི་མང་ཡོ་རོབ་སྤྱི་འཐུས་ཀོ་རེན་ཆུང་བདག་ལགས་སྐུ་གཟུགས་བདེ་མིན་གྱི་གནས་བབ་ཐོག་སྤྱི་འཐུས་ནས་རྩ་དགོངས་བཀའ་ཁྲོལ་ཐོབ་རྗེས་སུད་སིར་གནས་བཞུགས་བཀྲས་མཐོང་དབང་པོ་ལགས་ཡོ་རོབ་སྤྱི་འཐུས་ཀྱི་སྒུག་ཐོ་དང་པོ་ཡིན་པ་ལྟར། བཞུགས་སྒར་རྡ་རམ་ས་ལར་ཆེད་བཅར་གྱིས་སྤྱི་ཟླ་༥ཚེས་ ༦ ཉིན་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གི་དྲུང་དུ་ལས་འཁུར་དམ་འབུལ་ཞུས་ཡོད་པ་རེད། འགྲོ་ལུགས་ལྟར་སྤྱི་འཐུས་ཚོགས་གཙོ་དང་སྤྱི་འཐུས་རྒྱུན་ལས་རྣམ་པ། ཚོགས་དྲུང་བཅས་ནས་སྤྱི་འཐུས་བཀྲས་མཐོང་བསྟན་འཛིན་དབང་པོ་ལགས་ལ་རྟེན་འབྲེལ་མཚོན་ཆེད་མཇལ་དར་སྒྲོན་ཞིང་གསོལ་ཇ་ཞལ་འབྲས་ཕུལ་བའི་མཛད་སྒོ་སྟབས་བདེ་ཞིག་ཀྱང་ཚུགས་འདུག ཡོ་རོབ་ཀྱི་སྤྱི་འཐུས་གཉིས་ཡོད་པ་ནས་གཅིག་སེ་པེན་དུ་བཅའ་ཞུགས་སེ་པེན་བོད་ཀྱི་ཁང་པའི་འགན་འཛིན་སྐུ་ཞབས་ཐུབ་བསྟན་དབང་ཆེན་ལགས་ཡིན་པ་རེད། སྤྱི་འཐུས་བཀྲས་མཐོང་བསྟན་འཛིན་དབང་པོ་ལགས་ནི་བོད་རང་བཙན་འཐབ་རྩོད་གནང་མཁན་གྱི་ལས་འགུལ་བ་ཞིག་ཡིན་ཞིང་། ཁོང་༡༩༦༣ ལོར་སུད་སིའི་ས་གནས་ཌོབ་ཇན་ (Trogen)ཞེས་པར་འཁྲུངས་ཤིང་། ཛུ་རིག་གཙུག་ལག་མཐོ་སློབ་དུ་ལོ་རྒྱུས་གཙུག་ལག་རབ་འབྱམས་ཐོན་རྗེས། ལས་ཞོར་དུ་ཡུ་རོབ་བོད་རིགས་གཞོན་སྐྱེས་ལྷན་ཚོགས་དང་། འཇར་མན་རྒྱལ་སྤྱིའི་བོད་དོན་ལས་འགུལ་ཁང་། སུད་སི་བོད་རིགས་མཛའ་མཐུན་ལྷན་ཚོགས་ཀྱི་རྒྱུན་ལས་སོགས་གནང་མྱོང་ཡོད་པ་རེད།
གསར་འགོད་པ་སྐལ་ལྡན་བློ་གྲོས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- རྒྱ་དཀར་ནག་གཉིས་དབར་འདི་ལོའི་དབྱར་ཁར་རྒྱ་གར་གྱི་གནས་སྐོར་བ་བོད་ནང་གནས་མཇལ་དུ་གཏང་རྒྱུའི་གྲོས་མཐུན་བྱུང་འདུག