རྗེ་བཙུན་པདྨ་མཆོག་ལ་ཆེ་བསྟོད་ཀྱི་ཕྱག་འཁྱེར་ཕུལ་བ།

༄༅༎ཟླ་འདིའི་ཕྱི་ཚེས་ ༡༤ ཉིན། ཨ་རིའི་སན་ཕ་རན་སི་སི་ཀོ་གཙུག་ལག་སློབ་གྲྭ་ཆེན་མོས་བསླབ་པ་མཐར་སོན་པའི་དགའ་སྟོན་རྟེན་འབྲེལ་གྱི་མཛད་སྒོའི་ཉིན། སྐུའི་གཅུང་མོ་བཀའ་ཟུར་རྗེ་བཙུན་པདྨ་མཆོག་ལ་ཆེ་བསྟོད་ཀྱི་ཕྱག་འཁྱེར་ཕུལ་ཡོད་པ་དང༌། བཀའ་ཟུར་རྗེ་བཙུན་པདྨ་མཆོག་ལ་ཆེ་བསྟོད་ཀྱི་བསྒྲགས་ཡིག་ནང་། རྗེ་བཙུན་པདྨ་མཆོག་གིས་བཙན་བྱོལ་བོད་མིའི་སློབ་ཕྲུག་རྣམས་ལ་ལོ་ངོ་༤༠ ལྷག་གི་རིང་ཞབས་ཞུ་བསྒྲུབས་ནས། ཕྲུ་གུ་རྣམས་ལ་གཅེས་སྐྱོང་གིས་རང་ཡུལ་དུ་ཞི་བདེ་གོང་འཕེལ་གཏོང་ཐབས་ཀྱི་བྱས་རྗེས་ལ་ཆེ་མཐོང་ཞུ་རྒྱུ་དང༌། ཁོང་ནི་རང་ལས་གཞན་གཅེས་པར་འཛིན་པའི་ཡེ་ཤུའི་ལྟ་གྲུབ་ནང་མིག་དཔེ་འོས་པའི་བུད་མེད་ཅིག་ཆགས་ཡོད་ཅེས་འཁོད་ཡོད་པ་རེད།།