རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་བོད་ནང་ཕེབས་དགོས་བའི་འབོད་སྐུལ།
རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་ལྕམ་(Michelle Bachelet)་ལགས།
UN
དེ་ཡང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་༤༩པའི་ཐོག་ཡོངས་ཁྱབ་གསལ་བསྒྲགས་གནང་བ་ལྟར། མི་རིང་བའི་སྤྱི་ཟླ་༥བའི་ནང་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་ལྕམ་(Michelle Bachelet)་ལགས་རྒྱ་ནག་ནང་དང་ཤར་ཏུར་ཀིསུ་ཐན་ནང་གཟིགས་སྐོར་ལ་ཕེབས་འཆར་ཡོད་པ་ལྟར། བོད་མིའི་སྒྲིགས་འཛུགས་ཀྱིས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་གཙོ་འཛིན་མཆོག་ཤར་ཏུར་ཀིསུ་ཐན་ནང་གཟིགས་སྐོར་ལ་ཕེབས་འཆར་ཡོད་པ་དེ་ཡིས་ས་གནས་དེའི་མི་མང་གི་དཀའ་སྡུག་དང་འགྲོ་བ་མིའི་ཐོབ་ཐང་གི་གནས་སྟངས་སེལ་ཐུབ་པའི་ཐུགས་རེ་གནང་གི་ཡོད་པ་དང་། དུས་མཚུངས་གཟིགས་སྐོར་དེའི་སྐབས་རྒྱ་ནག་གི་རྒྱ་བསྐྱེད་རིང་ལུགས་ལ་བརྟེན་ནས་བོད་ནང་གི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་ཚབས་ཆེ་གཏོང་བཞིན་པ་ཁག་ཟུར་དུ་འཇོག་རྒྱུ་མེད་པ་དང་། རྒྱ་ནག་གིས་བོད་ནང་དྲག་པོའི་བཙན་འཛུལ་གྱིས་བཙན་དབང་བྱེད་འགོ་བཙུགས་པ་ནས་བཟུང་། གདུག་རྩུབ་དྲག་གནོན་ཆེ་བའི་སྲིད་ཇུས་ལག་བསྟར་བྱས་ནས་བོད་མིའི་འགྲོ་བ་མིའི་ཐོབ་ཐང་བརྩི་མེད་གདལ་གཤིག་གཏོང་བཞིན་པ་མ་ཟད། བོད་མིའི་འགྲོ་འདུག་སྤྱོད་གསུམ་ལ་ལྟ་སྲུང་ནན་པོ་བྱེད་མུས་སོགས་ལ་བརྟེན་ནས་ད་བར་བོད་ནང་གི་བོད་མི་༡༥༨ལྷག་གིས་རང་ལུས་མེར་བསྲེགས་གནང་སྟེ་བོད་ལ་རང་དབང་ཆེ་ཙམ་དགོས་པ་དང་། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་བོད་ནང་གདན་འདྲེན་ཞུ་དགོས་པ་སོགས་ཀྱི་དགོས་འདུན་བཏོན་ཡོད་སྐོར་བཀོད་གནང་འདུག་ལ། ད་དུང་ད་བར་རྒྱ་གཞུང་གིས་དབུལ་ཕོངས་ངལ་སེལ་དང་ཡར་རྒྱས་ཀྱི་མིང་ཐོག་ནས་བོད་ཀྱི་འབྲོག་པ་ས་ཡ་གཉིས་ལྷག་ཕ་མེས་དུས་ཀྱི་འབྲོག་ས་ཁག་ནས་བཙན་གྱིས་གནས་སྤོ་བྱེད་དུ་བཅུག་པ། བོད་ཀྱི་སྐད་ཡིག་ཐོག་སློབ་གྲྭའི་ནང་སློབ་ཚན་ཁྲིད་བཞིན་པ་ཁག་འཆར་གཞི་ལྡན་པའི་སྒོ་ནས་རྒྱའི་སྐད་ཡིག་ཐོག་སློབ་ཚན་ཁྲིད་ཀྱི་ཡོད་པ། བོད་པའི་སློབ་གྲྭ་ཁག་བཙན་གྱིས་སྒོ་རྒྱབ་བཅུག་པ། བཙན་ཁྲིད་བྱས་བའི་ཀུན་གཟིགས་པཎ་ཆེན་སྐུ་ཕྲེང་༡༡པ་དགེ་འདུན་ཆོས་ཀྱི་ཉི་མ་མཆོག་གི་གནད་དོན་ཐོག་བོད་མི་ཙམ་མ་ཟད། འཛམ་གླིང་གི་ནང་པ་ཡོངས་ལ་ཐུགས་འཚབ་ཡོད་པ། རྒྱ་གཞུང་གིས་ཉེ་དུས་བོད་ཀྱི་རྩོམ་པ་པོ་མི་ཉུང་བ་འཛིན་བཟུང་བཙོན་འཇུག་དང་གར་སོང་ཆ་མེད་བཏང་བ། དེ་དག་གིས་བོད་མི་རྣམས་ཀྱིས་རང་གི་ཆོས་དང་རིག་གཞུང་། སྐད་ཡིག་བཅས་པ་སྲུང་སྐྱོབ་ཞུ་ཐབས་གནང་བ་ཙམ་གྱིས་ཉེན་ཁ་ཆེན་པོ་འཕྲད་ཀྱི་ཡོད་པ་སོགས་གསལ་བཏོན་དང་ཐེར་བཏོན་གནང་བ་དང་མཉམ། ཕྱི་འབྲེལ་བཀའ་བློན་ནོར་འཛིན་སྒྲོལ་མ་ལགས་ཀྱིས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་གཙོ་འཛིན་མཆོག་རྒྱ་ནག་ནང་གཟིགས་སྐོར་ཕེབས་སྐབས་བོད་ཀྱི་གནད་དོན་སྐོར་གྲོས་གཞིའི་ནང་འཇོག་དགོས་པ་དང་བོད་ནང་ལ་ཡང་ཕེབས་དགོས་པའི་འབོད་སྐུལ་ནན་པོ་གནང་འདུག
གསར་འགོད་པ། སེང་གེ་རི་བསོད་ནམས་ལྷ་མོ།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག