ཕག་པའི་རིམས་ནད་ཀྱི་ཉེན་ཁའི་སྐོར།

༄༅༎དེང་སྐབས་འཛམ་གླིང་ནང་ཁྱབ་གདལ་འགྲོ་བཞིན་པའི་ཕག་པའི་རིམས་ནད་དེ་ནི་ནམ་དུས་ཀྱི་ཆམ་ཚད་དང་བསྡུར་ན་མིའི་སྲོག་ལ་ཉེན་ཁ་ཆེ་བ་ཡོད་པའི་སྐོར་རེས་གཟའ་ཟླ་བའི་ཉིན་ཕེ་རན་སི་སྨན་དོན་ཞིབ་འཇུག་པས་གསུངས་ཡོད་པ་རེད།

དེ་ཡང་ཕེ་རན་སི་སྤྱི་ཚོགས་ཀྱི་འཕྲོད་བསྟེན་ཞིབ་འཇུག་སློབ་གྲྭའི་འགན་འཛིན་དང་ནད་ཡམས་ཞིབ་འཇུག་གནང་མཁན་ཞིག་གིས་གསུངས་པར་འཛམ་གླིང་ནང་དུ་ལོ་ལྟར་བཞིན་ནམ་དུས་ཆམ་པའི་རིམས་ནད་ཀྱིས་ནད་པ་འདས་གྲོངས་སུ་འགྲོ་གི་ཡོད་ཀྱང་ད་རེས་ཀྱི་ཕག་པའི་རིམས་ནད་དེས་རྐྱེན་བྱས་ཏེ་འདས་གྲོངས་སུ་ཕྱིན་པ་རྣམས་ལ་ལྟོས་ཚེ་ཕལ་ཆེར་ཕག་པའི་རིམས་ནད་དེ་ནི་ནམ་དུས་ཀྱི་ཆམ་ཚད་ལས་སྲོག་ལ་ཐད་ཀར་ཉེན་ཁ་ཆེ་བ་ཡོད་ཅིང་སྤྱིར་བཏང་གི་ནམ་དུས་ཀྱི་ཆམ་ཚད་ཡིན་ཚེ་ལོ་ལྟར་བཞིན་འཛམ་གླིང་ནང་ནས་ནད་པ་འབུམ་ལྔ་ལྷག་འདས་གྲོངས་སུ་འགྲོ་བ་དང་དེ་རྣམས་ཐད་ཀར་ཆམ་ཚད་དེས་རྐྱེན་བྱས་ཏེ་འདས་གྲོངས་སུ་འགྲོ་བ་དང་དེ་རྣམས་ཐད་ཀར་ཆམ་ཚད་དེས་རྐྱེན་བྱས་ཏེ་འདས་གྲོངས་སུ་འགྲོ་བ་མ་ཡིན་པར་དེའི་ནང་ནས་མང་ཆེ་བ་ནི་ཆམ་ཚད་དེའི་ནད་འབུས་ཚབས་ཆེ་བའི་གློ་ཚད་དུ་གྱུར་བ་དང་ཡང་ན་ནད་གཞི་རྙིང་པ་ཞིག་སླང་བའི་རྐྱེན་གྱི་ཐོག་ནས་འདས་གྲོངས་སུ་འགྲོ་གི་ཡོད་པའི་སྐོར་གསུངས་ཡོད་པ་རེད། གང་ལྟར་ནམ་དུས་ཀྱི་ཆམ་ཚད་དང་དེང་སྐབས་ཁྱབ་གདལ་དུ་འགྲོ་བཞིན་པའི་ཕག་པའི་རིམས་ནད་ཨེཇ་༡ཨེན༡ཟེར་བའི་ནད་འབུ་དེ་འཛམ་གླིང་ནད་དུ་ཁྱབ་ཟིན་པ་དང་ཕལ་ཆེར་ཚོད་རྩིས་བྱས་ན་ནད་འབུ་འགོས་ཁྱབ་ཟིན་པའི་ནད་པ་ཆིག་སྟོང་ནང་ནས་ནད་པ་གཅིག་ནས་ལྔ་བར་ལ་ཕྱི་ཚུལ་དུ་ནད་རྟགས་ཐོན་པར་བརྟེན་གྲངས་ཀ་དེའི་ཐོག་ནས་ད་ལྟའི་ཆར་ཕག་པའི་རིམས་ནད་དེ་ངོ་བོ་ཇི་ཡིན་ད་དུང་ཡང་ཁ་གསལ་པོ་མེད་པ་རེད་ཅེས་དང་ད་དུང་མུ་མཐུད་ནད་ཡམས་དེའི་ངོ་བོ་ཇི་ཡིན་གསལ་པོ་མེད་པར་དེ་ལྟར་དུ་གནས་པ་ཡིན་ཚེ་མིའི་ཚེ་སྲོག་ཐད་ཀར་ཉེན་ཁ་ཆེ་རུ་འགྲོ་རྒྱུར་དོགས་ཟོན་བྱ་དགོས་པའི་སྐོར་གསུངས་ཡོད་པ་རེད།