རྒྱ་གར་གྱི་དཔལ་འབྱོར་འཕེལ་རྒྱས་ཆེན་པོ་འགྲོ་བཞིན་པ།

༄༅༎རྒྱ་གར་གྱི་དཔལ་འབྱོར་འཕེལ་རྒྱས་ཀྱི་རྒྱ་ཆ་ཚོད་རྩིས་བྱས་པ་ལས་ཐོ་བ་བྱུང་ཡོད་པའི་སྐོར་རྒྱ་གར་གྱི་དཔོན་རིགས་ནས་གཟའ་ཟླ་བའི་ཉིན་འགྲེལ་བརྗོད་གནང་ཡོད་པ་རེད་

རྒྱ་གར་གྱི་དཔལ་འབྱོར་འཕེལ་རྒྱས་ད་ལོ་སྤྱི་ཟླ་གསུམ་པ་བར་རྒྱ་ཆ་བདུན་དང་གྲངས་ཆུང་བཞི་འཕར་ཡོད་པ་དང་དེའི་ནང་བཟོ་ལས་དང་ ཞབས་ཞུའི་ལས་རིགས་འཕེལ་རྒྱས་ཤུགས་ཆེ་ཤོས་བྱུང་ཡོད་པ་རེད་ རྒྱ་གར་གྱི་དཔལ་འབྱོར་འཕེལ་རྒྱས་ཀྱི་བརྒྱ་ཆ་དེ་བཞིན་རྒྱ་གར་གཞུང་གིས་སྔོན་ཚོད་བྱས་པའི་ཚད་གཞི་བརྒྱ་ཆ་བདུན་དང་གྲངས་ཆུང་གཉིས་ནས་དོན་དངོས་གྲངས་ཆུང་གཉིས་ཀྱི་མང་བ་བྱུང་ཡོད་ཅིང་ རྒྱ་གར་གྱི་བཟོ་ལས་ཐོན་སྐྱེད་ད་ལོ་རྒྱ་ཆ་བཅུ་དང་གྲངས་ཆུང་བརྒྱད་ཙམ་འཕར་ཡོད་པ་དང་འཛུགས་སྐྲུན་དང་ གློག་ལས་ལས་རིགས་ཐད་བརྒྱ་ཆ་དྲུག་དང་གྲངས་ཆུང་ལྔ་ཙམ་འཕར་སྣོན་བྱུང་བ་འགྲིམ་འགྲུལ་དང་འབྲེལ་འཐུད་ཀྱི་ལས་རིགས་ལ་རྒྱ་ཆ་དགུ་དང་གྲངས་ཆུང་གསུམ་ཙམ་འཕར་སྣོན་བྱུང་ཡོད་པ་རྒྱ་གར་ཞིབ་རྩིས་ལས་ཁང་གིས་གྲངས་འབོར་ཕྱིར་བསྒྲགས་བྱས་ཡོད་པ་རེད་

རྒྱ་གར་གཞུང་གིས་འདི་ལོའི་ལོ་མཇུག་ཏུ་རྒྱ་གར་གྱི་དཔལ་འབྱོར་གནས་སྟངས་རྒྱ་ཆ་བརྒྱད་དང་གྲངས་ཆུང་དྲུག་བར་འཕར་སྣོན་ཡོང་རྒྱུའི་ཚོད་རྩིས་གནང་གི་ཡོད་པ་དང་རྒྱ་གར་གྱིར་ནོར་སྲིད་བློན་ཆེན་གྱིས་རྒྱ་གར་གྱི་ད་ལྟའི་དཔལ་འབྱོར་འཕེལ་རྒྱས་ཀྱི་གནས་སྟངས་དེའི་ཐོག་མུ་མཐུད་བསྐྱོད་རྒྱུར་ཡིད་ཆེས་དང་ ཕྱི་ལོ་ཉིས་སྟོང་བཅུ་གཅིག་ལོར་རྒྱ་གར་གྱི་དཔལ་འབྱོར་གནས་སྟངས་བརྒྱ་ཆ་བརྒྱད་དང་གྲངས་ཆུང་ལྔ་བར་འཕར་སྣོན་ཡོང་རྒྱུར་རེ་བ་གནང་གི་ཡོད་པའི་སྐོར་གསར་འགོད་པའི་དྲི་བར་ལན་འདེབས་གནང་བའི་སྐབས་གསུང་ཡོད་པ་རེད་