བོད་མི་དྲུག་ནས་རྒྱ་གར་རྒྱལ་སར་བཟས་བཅད་ངོ་རྒོལ་འགོ་ཚུཌ།

༄༅༎ཁ་ས་བོད་པའི་ལོ་གསར་ཚེས་གཅིག་ཉིན་ལྡི་ལི་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྒྱལ་ས་ལྡི་ལིའི་ཇན་ཏར་མན་ཏར་མདུན་བོད་མི་དྲུག་ནས་ཉིན་གསུམ་རིང་བཟས་བཅད་ངོ་རྒོལ་འགོ་བཙུགས་གནང་ཡོད་པ་དེར་རྒྱབ་སྐྱོར་མཚོན་ཆེད་བོད་མི་ལྔ་བརྒྱ་ཙམ་གྱིས་ལས་འགུལ་ནང་མཉམ་ཞུགས་གནང་འདུག

སྔ་ལོ་བོད་ནང་རྒྱ་ནག་གཞུང་ལ་ཞི་བའི་ངོ་རྒོལ་གནང་མཁན་བོད་མི་མང་པོ་ཞིག་རྒྱ་གཞུང་གིས་རྐྱེན་ལམ་དུ་བཏང་བ་དང་མང་པོར་རྨས་སྐྱོན་བཏང་བ།དེ་ལས་མང་བ་བཙོན་འཇུག་བྱས་པ་སོགས་བོད་ནང་གི་བོད་མི་ཚོ་རྒྱ་ནག་གི་དབང་བསྒྱུར་འོག་དཀའ་སྡུག་ཚད་མེད་མྱོང་བཞིན་ཡོད་པར་མྱ་ངན་དང་གདུང་སེམས་མཉམ་སྐྱེད་ཞུ་སླང་གཞིས་བྱེས་བོད་མི་ཡོངས་ཀྱིས་ད་ལོའི་ལོ་གསར་གཏོང་རྒྱུ་མིན་པའི་སེམས་ཐག་གཙང་བཅད་གནང་ཡོད་པ་བཞིན་ལོ་གསར་རིང་སྤྲོ་སྐྱིད་གཏོང་རྒྱུའི་ཚབ་ཏུ་རང་རང་སོ་སོ་གནས་སྡོད་བྱ་ཡུལ་ས་གནས་ཁག་ནང་ལས་འགུལ་འདྲ་མིན་སྤེལ་བཞིན་ཡོད་པ་ལྟར་ལྡི་ལི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་གོང་ཞུས་ལས་འགུལ་དེ་གོ་སྒྲིག་གནང་འདུག ལས་འགུལ་དེའི་ནང་གཙོ་བོ་བོད་མི་དྲུག་གིས་བོད་ཚེས་གཅིག་ནས་གསུམ་བར་ཉིན་གསུམ་རིང་བཟས་བཅད་ངོ་རྒོལ་གནང་བཞིན་ཡོད་ནའང་ཁ་ས་ཚེས་གཅིག་ཉིན་གྱི་ལས་འགུལ་དེའི་ནང་བོད་མི་ལྔ་བརྒྱ་ཙམ་ཞིག་འདུ་འཛོམས་གནང་ཡོད་པའི་ནང་དགེ་འདུན་པ་ཚོས་དབུས་པའི་རྒྱ་གར་རྒྱལ་ས་ལྡི་ལིའི་མཐོ་སློབ་ཁང་འགྲིམས་བཞིན་པའི་བོད་པའི་སློབ་མ་དང་ས་གནས་བོད་མི།ཕྱོགས་མཐའ་ཁག་ནས་ཕེབས་པའི་བོད་མི་ཚོས་རྒྱ་གཞུང་ལ་ངོ་རྒོལ་གྱི་སྐད་འབོད་ཤུགས་ཆེ་གནང་ཡོད་པའི་སྐོར་འདི་ག་རླུང་འཕྲིན་ཁང་གི་ཁམས་ཀྱི་གསར་འགོད་པ་བསོད་ནམ་དབང་འདུས་ལགས་ཀྱིས་གནས་ཚུལ་བཏང་གནང་འདུག།