གྲོས་ཚོགས་ནང་སྤྱི་ཟུར་སྟག་མཚེར་དགའ་བ་དབྱངས་སྒྲོལ་ལ་མྱ་ངན།
2016.03.29
གྲོས་ཚོཊ་ནང་སྤྱི་ཟུར་སྟག་མཚེར་དགའ་བ་དབྱངས་སྒྲོལ་ལཊ་སྐུ་ཚེ་མ་ཟིན་པར་གཞུང་འབྲེལ་མྱ་ངན་གུས་འདུད་ཀྱི་སྤྱི་མོས་གྲོས་ཆོད་བཞག་པ།
དེ་ཡང་ཁ་ས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་༡༡་པའི་ཉིན་བདུན་པའི་ཐོག་སྤྱི་ཟུར་སྟག་མཚེར་དགའ་བ་དབྱངས་སྒྲོལ་ལགས་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་ཐོན་པར་གཞུང་འབྲེལ་མྱ་ངན་གུས་འདུད་དང་རྗེས་དྲན་གྱི་སྤྱི་མོས་གྲོས་ཆོད་བཞག་གནང་འདུག
སྤྱི་འཐུས་ཀརྨ་ཡེ་ཤེས་ལགས་ཀྱིས་སྤྱི་ཟུར་སྟག་མཚེར་དགའ་བ་དབྱངས་སྒྲོལ་ལགས་ཕྱི་ལོ་༢༠༡༦ཟླ་བ་༢ཚེས་༧་ཉིན་སྐུ་ཚེ་མ་ཟིན་པའི་གནས་ཚུལ་ཐོན་པར་གཞུང་འབྲེལ་མྱ་ངན་གུས་འདུད་ཀྱི་གྲོས་ཆོད་གྲོས་འཆར་སྙན་སྒྲོན་གནང་བའི་ནང་། བོད་མི་མང་སྤྱི་ཟུར་སྟག་མཚེར་དགའ་བ་དབྱངས་སྒྲོལ་ལགས་དམ་པ་དེ་ནི། ཕྱི་ལོ་༡༩༣༠་ལོར་འཁྲུངས་ཞིང་། བཙན་བྱོལ་དུ་འབྱོར་རྗེས་ཕྱི་ལོ་༡༩༦༠ལོར་རྒྱལ་གཅེས་སྙིང་སྟོབས་དང་། ལྷག་བསམ་ཆེན་པོས་ཀ་རྡོར་བུད་མེད་མཐུན་ཚོགས་གསར་འཛུགས་སྐབས་ཀྱི་རྒྱུན་ལས་དང་། ཕྱི་ལོ་༡༩༦༤བར་མཐུན་གྲོགས་ཚོགས་པ་དེའི་ནང་ཕྱག་ལས་གནང་། རྡོར་གླིང་Saint Joseph་དབྱིན་ཇིའི་སློབ་གྲྭའི་ནང་སློབ་སྦྱོང་ཕྲན་བུ་གནང་སྟེ། སྐབས་དེར་བོད་མི་རྣམས་སྐྱབས་བཅོལ་དུ་འབྱོར་གྲབས་ཡིན་པས། བལ་ཡུལ་འཇོ་འཁེལ་ཁུལ་སུད་སི་རྒྱ་གྲམ་དམར་པོའི་རོགས་རམ་འབྱོར་བཞིན་པའི་རོགས་ཚོགས་དང་། བོད་ནས་བོད་མི་གསར་དུ་རིམ་འབྱོར་རྣམས་ལ་གསུང་སྒྱུར་གནང་སྟེ་ཕན་རླབས་ཆེན་པོ་བྱུང་བ་དང་། ཕྱི་ལོ་༡༩༦༦ཟླ་༩ཚེས་༢ནས་ཕྱི་ལོ་༡༩༦༩ཟླ་༡༡ཚེས་༢༤བར་བོད་མི་མང་སྤྱི་འཐུས་སྐབས་གསུམ་པ་དང་། ཕྱི་ལོ་༡༩༦༩ཟླ་༡༡ཚེས་༢༥ནས་ཕྱི་ལོ་༡༩༧༢ ཟླ་༡༢ ཚེས་༡༤་བར་བོད་མི་མང་སྤྱི་འཐུས་སྐབས་བཞི་པ་བཅས་ཀྱི་ལས་འཁུར་བཞེས་ཡོད་པ་དང་། རྡ་ས་བཞུགས་སྒར་དུ་བོད་ཀྱི་བུད་མེད་ཚོགས་པ་དང་། མདོ་སྨད་ཆོལ་ཁའི་དབུས་རྒྱུན་ལས། ས་གནས་རང་བདེན་ཚོགས་ཆུང་གི་ཚོགས་མི་བཅས་ཀྱི་ཕྱག་ལས་རིམ་པར་གནང་ཞིང་། རྒྱལ་ཡུམ་ཆེན་མོའི་རྐང་རྩེད་སྤོ་ལོའི་འགྲན་བསྡུར་ཐོག་མར་དབུ་འཛུགས་སྐབས་དཔལ་འབྱོར་ཐབས་འཚོལ་གྱི་མཐུན་འགྱུར་ཞུ་སྒོའི་ཐོག་ལ་ཐུགས་འཁུར་ཆེན་པོ་བཞེས་ཡོད་པ་སོགས་ཁོང་ནི་བོད་བསྟན་སྲིད་མི་རིགས་དང་བཅས་པར་སྲི་ཞུ་ཞབས་འདེགས་ལྷག་བསམ་གྱི་འཇུག་སྒོ་ཆེར་བསྐྱེད་ཡུན་རིང་གནང་བའི་མཛད་རྗེས་ཆེན་པོ་ཡོད་པའི་མི་སྣ་ཞིག་ཡིན་ལུགས་གསུངས་འདུག
བོད་མི་མང་སྤྱི་འཐུས་ལྷན་ཚོགས་ཀྱི་ཐོག་ནས་ཁོང་ལ་བསྔགས་བརྗོད་དང་། དམ་པ་དེའི་ཤུལ་ལུས་ནང་མི་རྣམས་ལ་ཐུགས་གསོའི་འཚམས་འདྲི་ཞུ་རྒྱུ་བཅས་ཀྱི་སྤྱི་མོས་གྲོས་ཆོད་བཞག་གནང་འདུག
གསར་འགོད་པ་ཚེ་དབང་དངོས་གྲུབ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག