རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ངོ་རྒོལ།

༄༅༎ཁ་ས་ཨོ་སི་ཀྲི་རི་ཡའི་གྲོང་ཁྱེར་སོལ་ཛི་སྦག་ཏུ་བོད་མི་དང་ཕ་ལུང་ཀུང་ཆོས་འཁོར་སྒོམ་སྒྲུབ་ཚོགས་པའི་ཚོགས་མི་བརྒྱ་ཕྲག་འགའ་ཤས་ཀྱིས་ཁུལ་དེར་འབྱོར་བའི་རྒྱ་ནག་གི་སྲིད་འཛིན་ཧུ་ཅིང་ཏའོ་ལ་ངོ་རྒོལ་ཤུགས་ཆེ་གནང་བཞག།
སྲིད་འཛིན་ཧུ་ཅིང་ཏའོས་ཨོ་སི་ཀྲི་རི་ཡའི་ནང་ཉིན་གཉིས་ཀྱི་ལྟ་སྐོར་མཇུག་སྒྲིལ་མཚམས་གྲོང་ཁྱེར་སོལ་ཛི་སྦག་ནང་འབྱོར་ཡོད་ཅིང་ ངོ་རྒོལ་གནང་མཁན་བོད་མི་ཚོས་ བོད་ལ་རང་དབང་དགོས། བོད་ནང་ཆོས་དད་རང་དབང་མི་འདུག་ཅེས་སྐད་འབོད་ཤུགས་ཆེ་སྐྱོན་སྐབས་ གྲོང་ཁྱེར་དེའི་ནང་བདེ་འཇགས་ཉེན་རྟོག་པ་འཕོན་ཆེ་འགྲེམས་འཇོག་བྱས་ཡོད་པ་རེད།
ད་རེས་རྒྱ་ནག་གི་སྲིད་འཛིན་ཧུ་ཅིང་ཏའོ་ཨོ་སི་ཀྲི་རི་ཡའི་ནང་ལྟ་སྐོར་བྱ་ཡུན་རིང་ཁུལ་དེའི་ནང་གནས་སྡོད་བོད་མི་དང་བོད་དོན་རྒྱབ་སྐྱོར་བ་ཚོས་ངོ་རྒོལ་ཐེངས་འགའ་ཤས་གནང་ནས་དེང་སྐབས་རྒྱ་ནག་གིས་བོད་ཐོག་དྲག་གནོན་ཤུགས་ཆེ་བྱེད་བཞིན་ཡོད་པར་ངོ་རྒོལ་སྐད་འབོད་གནང་འདུག།
སྲིད་འཛིན་ཧུ་ཅིང་ཏའོས་ ཨོསི་ཏྲེ་རི་ཡའི་ནང་གི་གཞུང་འབྲེལ་ལྟ་སྐོར་ཚར་བའི་རྗེས་སང་ཉིན་དང་གནང་ཉིན་བཅས་ཉིན་གཉིས་རིང་ཕེ་རེན་སི་གྲོང་ཁྱེར་ཁའན་སེ་ རུ་འཛམ་གླིང་གྱི་རྒྱལ་ཁབ་༢༠འི་ཆེས་མཐོའི་ལྷན་ཚོགས་ནང་མཉམ་ཞུགས་བྱ་རྒྱུ་ཡིན་འདུག།