ཨ་རིའི་སྲིད་འཛིན་འབར་མར་འཚམས་གཟིགས་གནང་འཆར།

༄༅༎ཨ་མེ་རི་ཀའི་སྲིད་འཛིན་Obama མཆོག་དེ་རིང་Thailand དུ་འཚམས་འདྲིར་ཕེབས་འབྱོར་གྱིས་ཁོང་གི་ཨེ་ཤེ་ཡའི་ཡུལ་གྲུའི་འཚམས་འདྲི་དབུ་བཛུགས་གནང་ཡོད་པ་མ་ཟད། ད་རེས་Obamba ཡི་ཨེ་ཤེ་ཡའི་ཡུལ་གྲུའི་ནང་ནས་འཚམས་འདྲི་ཐོག་མར་དེ་Thailand དུ་ཕེབས་པ་དེ་ཡིས། རྒྱ་ནག་དང་ཁྱིམ་མཚེས་ཡུལ་གྲུ་བར་དམག་དོན་ནུས་སྟོབས་འདྲ་མཉམ་མེད་པ་དང༌། ས་ཆའི་བདག་དབང་གི་རྩོད་རྙོག་ཆེ་རུ་འགྲོ་བའི་སྐབས་ཡུལ་གྲུ་དེ་དག་ནང་ཨ་རིའི་དམག་དོན་གྱི་ནུས་པ་ཤུགས་ཆེ་རུ་གཏོང་རྒྱུའི་འཆར་གཞི་ཡོད་པ་རེད།
ཕྱི་ཟླ་བཅིུག་པའི་ཚེས་༦ ཉིན་སྲིད་འཛིན་Obama བསྐྱར་དུ་སྲིད་འཛིན་དུ་འོས་འདེམས་བྱུང་བའི་རྗེས་ཨེ་ཤེ་ཡའི་ཕྱིའི་ཡུལ་གྲུའི་ནང་འཚམས་འདྲིར་ཕེབས་པ་ཐེངས་དང་པོ་ཡིན་པ་མ་ཟད། ད་རེས་ཀྱི་འཚམས་འདྲི་དེ་ནི་དམིགས་བསལ་ཨ་རིའི་ཕྱི་འབྲེལ་སྲིད་ཇུས་གནད་འགག་ཆེན་པོ་ཡིན་ཞིང༌། Thailand ཡུལ་གྲུ་དེ་ནི་༡༩༥༤ ནས་ཨ་རིའི་མཐུན་ཕྱོགས་ཡུལ་གྲུ་ཞིག་རྙིང་ཤོས་ཡིན་པའི་ཁར། འབར་མ་དེ་ནི་སྲིད་འཛིན་Obama ཡིས་༢༠༠༨ ནས་ལོ་བཞིའི་རིང་སྲིད་འཛིན་གྱི་མཛད་འཁུར་བཞེས་པའི་རིང་འབར་མའི་ཡུལ་གྲུའི་ནང་དམངས་གཙོ་ལམ་ལུགས་གོང་འཕེལ་ཐོག་ཕྱག་ལས་གནང་བ་ལམ་ལྷོངས་བྱུང་བར་བརྟེན་ནས་ད་རེས་འབར་མའི་ནང་དུའང་འཚམས་འདྲིར་ཕེབས་ཀྱི་ཡོད་པ་རེད།།