མངའ་རིས་དར་ཆེན་སྐུ་བཞེངས་སྐབས་རྒྱ་ནག་གིས་བོད་མིར་དམ་དྲག

བོད་ཀྱི་སྟོད་མངའ་རིས་དར་ཆེན་སྐུ་བཞེངས་ཞུ་སྐབས་རྒྱ་མིའི་ཉེན་རྟོག་པས་བོད་མི་རྣམས་ཀྱི་མཐའ་སྐོར་ཏེ་དམ་དྲག་བྱས་འདུག
དེ་ཡང་སྤྱི་ཚེས་༢བོད་ཟླ་བཞི་པ་ས་ག་ཟླ་བའི་ཚེས་༡༥་ཉིན་བོད་ཀྱི་སྟོད་མངའ་རིས་དར་ཆེན་སྐུ་བཞེངས་ཞུ་སྐབས་རྒྱ་མིའི་ཉེན་རྟོག་པས་བོད་མི་རྣམས་ཀྱི་མཐའ་སྐོར་ཏེ་བོད་མི་གཅིག་ཀྱང་བཏང་མིན་འདུག ལོ་ལྟར་བོད་ཟླ་བཞི་པ་ས་ག་ཟླ་བའི་ཚེས་༡༥་སྟེ་བོད་ཀྱི་ཆོས་ཕྱོགས་ཀྱི་དུས་ཆེན་ཁྱད་པར་ཅན་ཉིན་གངས་དཀར་ཏི་སི་འམ་གངས་རིན་པོ་ཆེའི་སྐུ་མདུན་དུ་མངའ་རིས་དར་ཆེན་སྐུ་བཞེངས་ཞུ་སྲོལ་ཡོད་པ་ལྟར། ཁ་ས་ཡང་དུས་ཆེན་དེ་སྲུང་བརྩི་ཞུ་སྐབས་གངས་རིན་པོ་ཆེའི་ཕྱོགས་གང་སར་རྒྱ་ནག་གཞུང་གིས་དམག་མི་དང་ཉེན་རྟོག་པ་འགྲེམས་འཇོག་བྱས་པ་དང་། དར་ཆེན་ཡང་རྒྱ་མིའི་དམག་མི་འགའ་ཤས་ཀྱིས་བཙན་འཕྲོག་བྱས་ཏེ་སྐུ་བཞེངས་ཞུས་པ་དང་། བོད་མི་ཚོ་དུས་ཆེན་དེ་སྲུང་བརྩི་ཞུ་སར་མ་བཏང་བར་བཀག་འགོག་བྱས་པ་མ་ཟད། སྟོད་གངས་རིན་པོ་ཆེ་མཇལ་ཁར་བཅར་བའི་བོད་མི་གཅིག་ཀྱང་བཏང་མི་འདུག ས་གནས་བོད་མི་ཞིག་གིས་ཨ་མེ་རི་ཀའི་གྲོང་ཁྱེར་ནེའུ་ཡོག་དང་། ནེའུ་ཇར་སིའི་མངའ་རིས་ཚོགས་པའི་ཚོགས་གཙོ་ངག་དབང་བཀྲིས་སུ་བརྗོད་དོན། མངའ་རིས་དར་ཆེན་སྐུ་བཞེངས་ཀྱི་མཛད་སྒོ་དེ་བཞིན་སྤུ་ཧྲེང་རྫོང་གིས་གོ་བསྒྲིགས་ཞུ་གིན་ཡོད་པ་དང་། མངའ་རིས་མི་མང་ཚང་མ་མཉམ་ཞུགས་གནང་ནས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དབུས་པའི་ནང་བསྟན་འཛིན་སྐྱོང་སྤེལ་གསུམ་གནང་མཁན་སྐྱེས་བུ་དམ་པ་རྣམས་སྐུ་ཚེ་ཞབས་པད་བརྟན་ཕྱིར་ལོ་ལྟར་སྲུང་བརྩི་ཞུ་ཡི་ཡོད་པ་དང་། དར་ཆེན་ཡང་གྲ་བཙུན་རྣམས་ནས་སྐུ་བཞེངས་ཞུ་རྒྱུའི་མཛད་སྒོ་གནང་གི་ཡོད་འདུག མངའ་རིས་དར་ཆེན་སྐུ་བཞེངས་དེ་བཞིན་ཐོག་མར་རྒྱལ་མཆོག་སྐུ་ཕྲེང་ལྔ་པ་ཆེན་པོས་དར་སྲོལ་མཛད་པ་ཞིག་རེད།    

གསར་འགོད་པ་སེང་གེ་རི་བསོད་ནམས་ལྷ་མོ།