ཨ་རིའི་གྲོང་ཁྱེར་ནིའུ་ཡོག་ནང་བོད་ཀྱི་ལོ་གསར་དང་འབྲེལ་བའི་ཁྲིམས་གཞི་གཏན་འབེབས་བྱུང་འདུག
ཨ་རིའི་གྲོང་ཁྱེར་ནིའུ་ཡོག་ནང་བོད་ཀྱི་ལོ་གསར་དང་འབྲེལ་བའི་ཁྲིམས་གཞི་གཏན་འབེབས་བྱུང་རྗེས་དགའ་བསུ་དང་ཐུགས་རྗེ་ཆེ་ཞུས་སྐབས། ༠༡།༢༣།༢༠༢༥
Facebook /Council Member Julie Won
*སྤྱི་ཟླ་༢ཚེས་༢༦ཉིན་གནས་ཚུལ་ཁ་སྣོན་བྱས།
དེ་ཡང་སྤྱི་ཟླ་དང་པོའི་ཚེས་༢༣ཉིན་ཨ་རིའི་ནིའུ་ཡོག་གྲོང་ཁྱེར་གྱི་གྲོང་སྡེ་ལྷན་ཚོགས་ནས། བོད་ཀྱི་ལོ་གསར་ཉིན་མོ་དེ་བཞིན་གཞུང་འབྲེལ་གྱི་དུས་ཆེན་གཞན་ལྟར་དེ་ཉིན་ནིའུ་ཡོག་གྲོང་ཁྱེར་ནང་གཞུང་ལམ་གཙང་བཟོ་ཉིན་མོར་འཁེལ་བ་ཡིན་ན། གཞུང་ལམ་གཙང་བཟོ་མི་དགོས་པར་རླངས་འཁོར་བཀག་འཇོག་ཆོག་པའི་ས་གནས་ཁྲིམས་ཡིག་གཏན་འབེབས་གནང་ཡོད་པ། དེ་སྔ་ཨ་རིའི་ནིའུ་ཡོག་གྲོང་ཁྱེར་གྱི་གྲོང་སྡེ་ལྷན་ཚོགས་སུ་གོང་ཞུས་བོད་ཀྱི་ལོ་གསར་དང་འབྲེལ་བའི་ས་གནས་ཁྲིམས་གཞི་དེ་གཏན་འབེབས་ཡོང་ཆེད་ཉན་ཞིབ་ཚོགས་འདུའི་ཐོག་མཉམ་ཞུགས་མཁན་གྲས་ནིའུ་ཡོག་གྲོང་ཁྱེར་དུ་གནས་སྡོད་གནང་བཞིན་པ་བོད་དོན་ལས་འགུལ་ལྟེ་གནས་ཁང་གི་ཉམས་ཞིབ་པ་བསྟན་འཛིན་རྡོ་རྗེ་ལགས་ཀྱིས་བོད་ཀྱི་ལོ་གསར་དང་འབྲེལ་བའི་ཁྲིམས་ཡིག་དེ་ལ་འོས་ཤོག་ཀྱི་གྲངས་ཀ་ལོན་ནས་གཏན་འབེབས་བྱུང་ཡོད་པ་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་བྱུང་།
རྩ་བའི་གོང་ཞུས་ནིའུ་ཡོག་ས་གནས་ཀྱི་བོད་ཀྱི་ལོ་གསར་དང་འབྲེལ་བའི་ཁྲིམས་འཆར་དེ་ནི་སྔ་ལོའི་སྤྱི་ཟླ་༢པའི་ནང་ནིའུ་ཡོག་གི་གྲོང་སྡེ་ལྷན་ཁང་གི་འཐུས་མི་(Julie Won)་ཡིས་བཏོན་གནང་བ་ཞིག་ཡིན་པ་དང་། སྐབས་དེར་ཁོང་གིས་བོད་ཀྱི་གནམ་ལོ་གསར་ཚེས་ཀྱི་ཉིན་མོ་དེ་བཞིན་བོད་དང་འབྲུག་ཡུལ། རྒྱ་གར། བལ་ཡུལ་སོགས་ནས་ཕེབས་པའི་ནིའུ་ཡོག་ཏུ་གནས་སྡོད་བོད་མི་ནང་པ་དང་ཧི་མ་ལ་ཡའི་མི་གྲངས་༦༡༠༠༠ལྷག་གིས་སྲུང་བརྩི་ཞུ་བཞིན་པའི་ཉིན་མོ་ཞིག་ཡིན་པ་གསུངས་ཡོད།
ནིའུ་ཡོག་གྲོང་སྡེ་ལྷན་ཚོགས་ཀྱི་གྲོས་གཞི་ཨང་གྲངས་༡༠༠པ་ཞེས་པ་འདིའི་ནང་། ལོ་ལྟར་ལོ་གསར་ནམ་འཁེལ་གྱི་ཉིན་དང་པོར་གཞུང་ལམ་གཙང་བཟོ་ཉིན་མོར་འཁེལ་བ་ཡིན་ན། གཞུང་ལམ་གཙང་བཟོ་མི་དགོས་པར་རླངས་འཁོར་མོ་ཀྲ་བཀག་འཇོག་ཆོག་པ་གསལ་འདུག
སྤྱི་ལོ་༢༠༢༥ལོའི་སྤྱི་ཟླ་དང་པོའི་ཚེས་༢༣ཉིན་གྱི་ཉིན་རྒྱབ་ནིའུ་ཡོག་གྲོང་སྡེ་ལྷན་ཚོགས་ནས་བོད་ཀྱི་ལོ་གསར་དང་འབྲེལ་བའི་ས་གནས་ཁྲིམས་ཡིག་དེ་གཏན་འབེབས་གསལ་བསྒྲགས་གནང་ཡོད་པ་དང་། དེ་མ་ཐག་བོད་མི་དང་ཧི་མ་ལ་ཡའི་རི་རྒྱུད་ཁུལ་གྱི་མི་མང་འདུ་འཛོམས་ཀྱིས་ནིའུ་ཡོག་གྲོང་སྡེ་ལྷན་ཚོགས་ཀྱིས་ཁྲིམས་ཡིག་གཏན་འབེབས་གནང་བར་དགའ་བསུ་དང་ཐུགས་རྗེ་ཆེ་ཞུས་ཡོད་པ་རེད།
དེ་བཞིན་ཡང་ཉེ་དུས་ཨ་རིའི་གྲོང་ཁྱེར་ནེའུ་ཡོག་གི་གྲོང་ཁྱེར་སྤྱི་ཁྱབ་ལས་ཁུངས་ཀྱི་ཕྱི་མི་གནས་སྤོས་སྡེ་ཚན་གྱིས་བོད་ཡིག་ཐོག་ནས་ངོ་དེབ་གཅིག་ཀྱང་གསར་བཟོ་གནང་འདུག་ལ། འདི་ཚེས་༢༣ཉིན་ནིའུ་ཡོག་གྲོང་ཁྱེར་སྤྱི་ཁྱབ་ལས་ཁུངས་ཀྱི་ཕྱི་མི་གནས་སྤོ་བའི་སྡེ་ཚན་འགན་འཛིན་དང་ལས་བྱེད་གསུམ་བོད་ཀྱི་ལོ་གསར་སླེབས་ལ་ཉེ་བའི་ཁྲོམ་ར་གཟིགས་སྐོར་གནང་འདུག
གསར་འགོད་པ། བསོད་ནམས་ལྷ་མོ།
རྩོམ་སྒྲིག་པ། བསྟན་འཛིན་བདེ་སྐྱིད།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག