བལ་ཡུལ་ནང་ཕག་པའི་རིམས་ནད་འོག་མི་གཅིག་འདས་གྲོངས།
2009.12.27
༄༅༎དེ་རིང་བལ་ཡུལ་གྱི་རྒྱལ་ས་ཀ་ཐ་མན་ཌུ་ནས་རྒྱ་ནག་གི་ཤིང་ཧྰ་གསར་ཤོག་ཐོག་གནས་ཚུལ་སྤེལ་བའི་ནང་དེ་རིང་རེས་གཟའ་ཉི་མའི་ཉིན་བལ་ཡུལ་ནང་དུ་ཕག་པའི་རིམས་ནད་འགོས་ཁྱབ་ཟིན་པའི་ནད་པ་གཅིག་འདས་གྲོངས་སུ་ཕྱིན་ཡོད་པ་དང། དེ་ནི་བལ་ཡུལ་ནང་དུ་ཕག་པའི་རིམས་ནད་ཁྱབ་གདལ་ཕྱིན་པ་ནས་བཟུང་ནད་པ་འདས་གྲོངས་སུ་ཕྱིན་པ་ཐེངས་དང་པོ་ཡིན་པའི་གནས་ཚུལ་སྤེལ་ཡོད་པ་རེད།
ཕག་པའི་རིམས་ནད་ཀྱིས་རྐྱེན་བྱས་ཏེ་བལ་ཡུལ་ནང་ཐེངས་དང་པོ་ནད་པ་འདས་གྲོངས་སུ་ཕྱིན་པ་དེ་ནི་ལོ་ན་ལྔ་བཅུ་ཡིན་པ་དང་བལ་ཡུལ་གྱི་རྒྱལ་ས་ཀ་ཐ་མན་ཌུའི་ནང་དུ་ཡོད་པའི་སྦིར་སྨན་ཁང་དུ་ཕག་པའི་རིམས་ནད་ཀྱི་སྨན་བཅོས་བྱེད་མུས་ཡིན་པའི་སྐབས་དེ་རིང་འདས་གྲོངས་ཕྱིན་པའི་གནས་ཚུལ་གསལ་བསྒྲགས་བྱས་ཡོད་པ་ལས། མི་དེ་སུ་ཡིན་མིན་གྱི་མིང་དང་སྡོད་གནས་སོགས་གསལ་བསྒྲགས་བྱས་མེད་པ་རེད། སྦིར་སྨན་ཁང་གི་སྨན་པ་ལྦི་ཇེ་ཡ་ཤར་མཱ་ཞུ་བས། ཕག་པའི་རིམས་ནད་H1N1འགོས་ཁྱབ་ཟིན་པའི་ནད་པ་དེ་ནི་གློ་ཚད་ཀྱི་ནད་གཞི་རྙོག་འཛིངས་ཅན་དུ་གྱུར་བའི་རྐྱེན་བྱས་ཏེ་འདས་གྲོངས་སུ་ཕྱིན་པ་ཡིན་ལུགས་དང། ད་དུང་ཡང་ནད་པ་དེར་ཕག་པའི་རིམས་ནད་ཙམ་མ་ཡིན་པར་སྐབས་དེར་རྒྱུ་ལོང་གི་ནད་གཞི་དང་འབྲེལ་བའི་ན་ཚ་ཡང་ཡོད་པའི་འགྲེལ་བརྗོད་བྱས་ཡོད་པ་རེད། ད་ལྟའི་འཆར་བལ་ཡུལ་ནང་དུ་ཕག་པའི་རིམས་ནད་འགོས་ཁྱབ་ཀྱི་གནས་སྟངས་ནི་ཛ་དྲག་པོ་ཡོད་པ་དང། བལ་ཡུལ་གྱི་ཕྱི་ལུགས་སྨན་པ་ཚོས། ཕག་པའི་རིམས་ནད་དེ་ནི་མི་དམངས་ཁྲོད་དུ་ཁྱབ་སྤེལ་འགྲོ་གི་ཡོད་པའི་ཉེན་བརྡའི་གསལ་བསྒྲགས་སྤེལ་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག