བལ་ཡུལ་གཞུང་ནས་ཕྲུ་གུ་ཚོར་རིན་མེད་ཤེས་ཡོན་གནང་འཆར།

༄༅༎བལ་ཡུལ་ནང་སླད་ཕྱིན་ཆད་ནས་གཞི་རིམ་འཛིན་གྲྭ་བཅུ་གཉིས་བར་སློབ་ཡོན་མེད་པ་བཟོ་རྒྱུའི་གྲོས་འཆར་བཏོན་ཡོད་པའི་གནས་ཚུལ་ཐོན་འདུག

བལ་ཡུལ་མང་ཚོགས་ཀྱི་ཤེས་ཡོན་ཐོག་གོམ་བགྲོད་ཆེན་པོ་ཞིག་སྤེལ་རྩིས་ཡོད་པའི་རྣ་མར་གཞུང་གིས་ཤེས་ཡོན་གྱི་གྲོས་འཆར་གསར་པ་ཞིག་ལག་ལེན་བསྟར་རྒྱུའི་དགོངས་བཞེས་གནང་གི་ཡོད་འདུག་། ད་བར་རྒྱལ་ཡོངས་སུ་འཛིན་གྲྭ་དགུ་པ་ནས་བཅུ་གཉིས་བར་སློབ་ཡོན་མེད་པར་སློབ་ཕྲུག་ཚོར་ཤེས་ཡོན་གྱི་མཐུན་རྐྱེན་སྐྲུན་བཞིན་པ་དེར་བཅོས་བསྒྱུར་གྱིས་སླད་ཕྱིན་ཆད་ནས་འཛིན་གྲྭ་དང་པོ་ནས་གཞི་རིམ་འཛིན་གྲྭ་བཅུ་གཉིས་བར་སློབ་ཡོན་མེད་པ་བཟོ་རྒྱུ་ཡིན་འདུག་། གྲོས་འཆར་དེ་བཞིན་བུ་མེད་དང་ཕྲུ་གུ་ སྤྱི་ཚོགས་བདེ་དོན་བཅས་ཀྱི་བློན་ཆེན་ལས་ཁུངས་ནས་བཏོན་ཡོད་འདུག་ཡོད་པ་དང་། གྲོས་འཆར་དེའི་ཐོག་ནས་བལ་ཡུལ་གྱིས་རྒྱལ་སྤྱིའི་བྱིས་པའི་ཐོབ་ཐང་དངོས་སུ་ལག་ལེན་བསྟར་རྒྱུའི་དམིགས་ཡུལ་འཛིན་གྱི་ཡོད་ལུགས་འགྲེལ་བརྗོད་བྱས་འདུག་། བལ་ཡུལ་རྒྱལ་སྤྱིའི་བྱིས་པའི་ཐོབ་ཐང་ཆིངས་དོན་ལ་ས་རྟགས་རྒྱབ་མཁན་གྲས་ཡིན་ཡང་ད་བར་ཐོབ་ཐང་དེ་རིགས་ཆ་ཚང་བ་ཞིག་སྤྲད་ཐུབ་མེད་པ་རེད་ དེ་ལྟར་ཡང་གཞུང་གིས་ད་བར་བལ་ཡུལ་གྱི་ཀར་ན་ལི་ཁུལ་གྱི་ཉམ་ཐག་གྲངས་ཉུན་རྡལིཐ་ལ་དེ་སྔ་ནས་སློབ་ཡོན་རྩ་བ་ནས་བཞེས་ཀྱི་མེད་པ་རེད༎