རྒྱ་གར་ནང་བཟའ་བཅའི་རིན་གོང་འཕར་བར་ངོ་རྒོལ་བྱས་འདུག

༄༅༎རྒྱ་གར་ནང་བཟའ་བཅའི་རིན་གོང་ཤུགས་ཆེ་འཕར་བ་དང་གཞུང་གིས་ངལ་རྩོལ་བའི་ཐོག་འགོག་རྒོལ་གྱི་སྲིད་བྱུས་ལག་ལེན་བསྟར་བར་བརྟེན་ནས་རི་ལི་དང་གནམ་ཐང་ དངུལ་ཁང་སོགས་ནས་ལས་ཀ་བྱེད་མི་ས་ཡ་མང་པོས་རྒྱལ་ཡོངས་ནང་ངོ་རྒོལ་བྱེད་ཀྱི་ཡོད་འདུག

རྒྱ་གར་རྒྱལ་ཡོངས་ནང་ངོ་རྒོལ་གྱི་ལས་འགུལ་དེ་ནི་རྒྱ་གར་གྱི་དམར་ཤོག་ཚོགས་པས་རྒྱབ་སྐྱོར་བྱས་པའི་ངལ་རྩོལ་ཚོགས་པ་ཁག་གིས་གོ་སྒྲིག་བྱས་པ་ཞིག་ཡིན་པ་དང་ངོ་རྒོལ་བ་ཚོས་རྒྱ་གར་གཞུང་གི་ལས་བྱེད་པ་མཐོ་གྲས་ལ་གླ་ཕོགས་བརྒྱ་ཆ་༢༡ སྤར་ཡང་ དམའ་རིམ་ལས་བྱེད་པ་ཚོའི་གླ་ཕོགས་མ་སྤར་པ་དེར་ངོ་རྒོལ་བྱེད་ཀྱི་ཡོད་འདུག རྒྱ་གར་རྒྱལ་ཡོངས་ངལ་རྩོལ་ཚོགས་པའི་འགོ་ཁྲིད་ གུ་རུ་རྡ་སེ་གུབ་ཊ་ ཡིས་རྒྱ་གར་ནང་དར་ཁྱབ་ཆེན་པོ་འགྲོ་བཞིན་པའི་ཏར་འཕྲིན་ཁེ་གཉེར་ལས་ཁང་ནང་ལས་ཀ་བྱེད་མཁན་ཐེ་བའི་མི་མང་ས་ཡ་མང་པོས་ངོ་རྒོལ་བྱས་པ་དེས་ངོ་རྒོལ་གྱི་ལས་འགུལ་དེ་ལམ་ལྷོང་ཆེན་པོ་བྱུང་སྐོར་དང་ ད་རེས་ཀྱི་ངོ་རྒོལ་ལས་འགུལ་དེ་ནི་རྒྱ་གར་གཞུང་ནས་ཁེ་གཉེར་ལས་ཁང་ཆེ་ཁག་གཅེས་ལངས་གཏོང་མི་དགོས་པ་དང་ངལ་རྩོལ་མི་མང་རྣམས་ཀྱི་འཚོ་བའི་གནས་སྟངས་ལ་གཟིགས་ཞིབ་དགོས་པའི་སྔོན་བརྡ་གཏོང་གི་ཡོད་ལུགས་གསུངས་ཡོད་པའི་གནས་ཚུལ་འདུག།