ད་ལོ་ལྷ་སར་ཞོ་སྟོན་སྐབས་མི་མང་འདུ་འཛོམས་ཀྱི་བྱེད་སྒོ་ཚང་མ་མཚམས་འཇོག་བྱེད་རྒྱུ་ཡིན་འདུག
ལྷ་སར་ཞོ་སྟོན་སྐབས་མི་མང་འདུ་འཛོམས་ཀྱི་བྱེད་སྒོ་ཚང་མ་མཚམས་འཇོག་བྱེད་རྒྱུ་ཡིན་པའི་གསལ་བསྒྲགས། ༨།༥།༢༠༢༡
Chinese State Media
ཀོ་ཝིཌ་༡༩་ངོ་བོ་འགྱུར་བའི་ཏོག་དབྱིབས་རིམས་ནད་སྔོན་འགོག་ཆེད་ད་ལོ་ལྷ་སར་ཞོ་སྟོན་སྐབས་མི་མང་འདུ་འཛོམས་ཀྱི་བྱེད་སྒོ་ཚང་མ་མཚམས་འཇོག་བྱེད་རྒྱུ་ཡིན་པ་བསྒྲགས་འདུག
ཉེ་ལམ་ནས་སླར་ཡང་རྒྱ་ནག་ནང་(delta variant)་ཞེས་ཀོ་ཝིཌ་༡༩་ངོ་བོ་འགྱུར་བའི་ཏོག་དབྱིབས་རིམས་ནད་འགོས་ཁྱབ་ཀྱི་གནས་ཚུལ་ཐོན་བཞིན་པ་དང་། རྒྱ་ནག་གཞུང་གིས་ཝུའུ་ཧན་གྲོང་ཁྱེར་གྱི་གྲོང་མི་ཚང་མར་ནད་ཡམས་དེ་འགོས་ཡོད་མེད་བརྟག་དཔྱད་བྱ་དགོས་པའི་བཀའ་རྒྱ་བཏང་བ་དང་། གྲོང་ཁྱེར་༢༠་ལྷག་གི་ནང་འགྲུལ་བཞུད་བཀག་སྡོམ་བྱས་བའི་གནས་ཚུལ་བྱུང་ཡོད་པ་རེད།
འདི་ཚེས་༥་ཉིན་ལྷ་ས་གྲོང་ཁྱེར་རིམས་ནད་ལ་ཁ་གཏད་གཅོག་པའི་ལས་དོན་འགོ་ཁྲིད་ཚོགས་ཆུང་གིས་བརྡ་ཁྱབ་ཨང་ལྔ་བ་ཟེར་བ་ཞིག་བཏང་ཡོད་པའི་ནང་། ནད་ཡམས་སྔོན་འགོག་འགན་ལེན་ཆེད། ༢༠༢༡་ལོའི་ལྷ་སའི་ཞོ་སྟོན་འགོ་ཚུགས་མཛད་སྒོ་དང་། ལྷ་མོའི་འཁྲབ་སྟོན་ལ་སོགས་པས་མཚོན་མི་མང་འདུ་འཛོམས་རང་བཞིན་གྱི་བྱེད་སྒོ་ཚང་མ་མཚམས་འཇོག་བྱེད་རྒྱུ་ཡིན་པ་བསྒྲགས་འདུག
ཡིན་ན་ཡང་གསལ་བསྒྲགས་དེའི་ནང་། རིམས་ནད་སྔོན་འགོག་ཆེད་ལྷ་སའི་ཞོ་སྟོན་གྱི་བྱེད་སྒོ་མཚམས་འཇོག་བྱས་བ་ནི། བོད་ཞི་བའི་བཅིངས་གྲོལ་ཟེར་བ་བཏང་ནས་ལོ་༧༠་འཁོར་བའི་དུས་ཆེན་གྱི་བྱེད་སྒོའི་བདེ་འཇགས་ཆེད་ཡིན་པ་གསལ་འདུག ཡིན་ན་ཡང་དུས་ཆེན་གྱི་བྱེད་སྒོ་དེ་ག་དུས་སྤེལ་རྒྱུ་ཡིན་མིན་སོགས་ཁ་གསལ་མི་འདུག
དེ་སྔ་རྒྱ་ནག་ཝུའུ་ཧན་ནས་ཏོག་དབྱིབས་ནད་ཡམས་ཐོག་མར་མཆེད་རྗེས། བོད་ནང་ཕོ་བྲང་པོ་ཏཱ་ལ་དང་། གཙུག་ལག་ཁང་ལ་སོགས་པའི་གཙོས་ས་གནས་གང་སའི་དགོན་སྡེ་ཁག་མང་པོ་སྒོ་རྒྱབ་པ་དང་། ས་གནས་ཁག་གི་བར་འགྲོ་བསྐྱོད་འགྲུལ་བཞུད་བཀག་སྡོམ་བྱས་བའི་གནས་ཚུལ་བྱུང་ཡོད། ཡིན་ན་ཡང་ན་ནིང་ནས་རྒྱ་མི་རིགས་མང་པོ་བོད་ནང་ནད་ཡམས་སྔོན་འགོག་ཆེད་བཀག་སྡོམ་སོགས་གང་ཡང་མེད་པར་བོད་ནང་ཡུལ་སྐོར་བལྟ་སྐོར་བ་མང་པོ་འབྱོར་དང་འབྱོར་བཞིན་པར་བོད་ནང་གི་བོད་མི་ཚོས་བོད་ནང་ནད་ཡམས་འགོས་ཁྱབ་ཀྱི་ཉེན་ཁ་ཡོད་པའི་སེམས་ཁྲལ་བྱེད་བཞིན་པ་རེད།
གསར་འགོད་པ། ཀླུ་འབུམ།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག