བཞུགས་སྒར་དུ་༸གོང་ས་མཆོག་ལ་ཕེབས་བསུ་ཟབ་རྒྱས་ཞུས་པ།

༄༅༎བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་གྱི་ས་ཁུལ་ཁག་དང་ཐའེ་ལྦན་ ཡུ་རོབ་ཀྱི་རྒྱལ་ཁབ་གཉིས་ནང་མཛད་འཕྲིན་བསྐྱངས་རྗེས་བཞུགས་སྒར་དུ་ཞབས་སོར་འཁོད་སྐབས་ཕེབས་བསུ་ཟབ་རྒྱས་ཞུས་ཡོད་པ་རེད། དེ་ཡང་བཙན་བྱོལ་བོད་གཞུང་གི་དྲ་རྒྱའི་ནང་གནས་ཚུལ་བཀོད་པར་གཞིགས་ན་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ཚེས་བཅུ་གསུམ་ཉིན་རྒྱབ་ཏུ་བཞུགས་སྒར་ཉེ་འཁྲིས་གྷ་གལ་གནམ་ཐང་དུ་ཞབས་སོར་འཁོད་སྐབས་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་དང་བོད་མི་མང་སྤྱི་འཐུས་ཚོགས་གཙོ་རྣམ་གཉིས་ཀྱིས་ཕེབས་བསུ་ཞུས་པ་དང་གནམ་ཐང་གི་ཕྱིའི་ཕེབས་སྒོར་ས་གནས་གྲོས་ཚོགས་ཀྱི་ཚོགས་གཙོ་དང་ས་གནས་བདེ་དོན་དེ་བཞིན་གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་རྣམ་པས་ཕེབས་བསུ་ཞུས་ཡོད་པ་རེད། ༸གོང་ས་མཆོག་གནམ་ཐང་ནས་ཕོ་བྲང་དུ་ཕེབས་ལམ་དུ་བོད་གཞུང་དང་བཞུགས་སྒར་དུ་གནས་འཁོད་བོད་མི་རྣམས་ཀྱིས་ཕེབས་ལམ་དུ་བོད་གཞུང་དང་བཞུགས་སྒར་དུ་གནས་འཁོད་བོད་མི་རྣམས་ཀྱིས་ཕེབས་སྒོ་གྲངས་བདུན་གྲ་སྒྲིག་གནང་ཡོད་པ་ལྟར་ས་གནས་སོ་སོར་བོདམི་རྣམས་ཀྱི་བཀྲིས་ཞོལ་པའི་མཆོད་སྤྲིན་དང་གྲོ་སོ་ཕྱེ་མར་འདེགས་འབུལ་སོགས་གནང་ཡོད་པ་རེད། ཕོ་བྲང་གི་གཟིམ་སྒོའི་ནང་ཁྲིམས་ཞིབ་པ་ཆེ་བས་དབུས་པའི་ཁྲིམས་ཞིབ་པ་རྣམ་པ་དང་བོད་མི་མང་སྤྱི་འཐུས་ཚོགས་གཞོན་དང་སྤྱི་འཐུས་རྣམ་པ་དང་བཀའ་བློན་རྣམ་པ་དང་རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམ་པ་ ལས་ཁུངས་ཁག་གི་དྲུང་ཆེ་ཆུང་རྣམ་གྱིས་དགའ་དད་སྤྲོ་གསུམ་གྱི་ངང་ནས་ཕེབས་བསུ་ཟབ་རྒྱས་ཞུས་ཡོད་སྐོར་བཙན་བྱོལ་བོད་གཞུང་གི་དྲ་རྒྱའི་ནང་གནས་ཚུལ་བཀོད་ཡོད་པ་རེད།