ནིའུ་ཡོག་ལ་བཅའ་སྡོད་རྒྱ་ནག་གཞུང་ཚབ་མདུན་ངོ་རྒོལ་བྱས་པ།

༄༅༎ཨ་མི་རི་ཀའི་གྲོང་ཁྱེར་ནིའུ་ཡོག་ཏུ་གནས་སྡོད་བོད་མི་དང་བོད་དོན་རྒྱབ་སྐྱོར་བ་མི་གྲངས་བརྒྱ་ཕྲག་ཁ་ཤས་གྲོང་ཁྱེར་དེའི་ནང་ཡོད་པའི་རྒྱ་ནག་གི་ཡན་ལག་གཞུང་ཚབ་ལས་ཁུངས་མདུན་འཛོམས་སྟེ་ཁ་ས་བོད་ཟླ་བཅུ་གཉིས་པའི་ཚེས་ཉི་ཤུ་དགུ་རེས་གཟའ་ཟླ་བའི་ཕྱི་དྲོ་མའོ་དང་ཧུ་ཇིན་ཏའོ།ལྦན་ཅ་པའོ་བཅས་དགུ་གླུད་དུ་རྫངས་པའི་མཚོན་དོན་ལྡན་པའི་ངོ་རྒོལ་སྐད་འབོད་ཀྱི་ལས་འགུལ་ཤུགས་ཆེ་ཞིག་སྤེལ་འདུག

གཟའ་ལྷག་པ་སྟེ་བོད་ས་གླང་གི་ལོ་གསར་ཚེས་གཅིག་ཉིན་ཨ་མི་རི་ཀའི་རྒྱལ་ས་ལྦ་ཤིང་ཊོན་གྱི་རྒྱ་ནག་གཞུང་ཚབ་ཁང་མདུན་བོད་མི་དང་བོད་དོན་རྒྱབ་སྐྱོར་བ་ཚོས་ངོ་རྒོལ་སྐད་འབོད་ཀྱི་ལས་འགུལ་ཞིག་སྤེལ་རྒྱུ་ཡིན་པ་རེད།