བོད་རྒྱའི་འབྲེལ་མོལ་སྐོར་གསུངས་ཡོད་པ།

༄༅༎རྒྱ་ནག་གཞུང་གིས་ ཐེངས་འདིའི་འབྲེལ་མོལ་སྐབས་ བོད་རྒྱའི་དཀའ་རྙོག་སེལ་རྒྱུའི་འདུན་པ་སྟོན་མེད་པའི་ཁར་ བོད་ཀྱི་བདག་དབང་ཐད་རྣམ་རྟོག་ཆེན་པོ་ཡོད་པ་མངོན་གསལ་དོད་པོ་ཆགས་ཡོད་ལུགས་སྐུ་ཚབ་རྣམ་གཉིས་ཀྱིས་གསུངས་གནང་འདུག

༸གོང་ས་མཆོག་གིས་བོད་རྒྱའི་དཀའ་རྙོག་སེལ་ཐབས་སུ་ བོད་རང་བཙན་དོར་ནས་མིང་དོན་མཚུངས་པའི་རང་སྐྱོང་གི་གནས་བབ་མ་གཏོགས་རྩོད་ལེན་གནང་གི་མེད་པའི་རླབས་ཆེན་གྱི་དགོངས་བཞེས་ལྷུར་ལེན་གནང་བཞིན་པ་དང་ དེར་རྒྱལ་སྤྱིའི་ཐོག་ནས་ཤུགས་རྐྱེན་ཡང་གང་འཚམས་ཡོད་པར་བརྟེན་ ཐེངས་འདིར་རྒྱ་ནག་གཞུང་གིས་བཟང་ཕྱོགས་ཀྱི་ཁོར་ཡུག་བསྐྲུན་རྒྱུའི་རེ་བ་གནང་ཡོད་ཀྱང་ རྒྱ་ནག་གཞུང་གིས་བསམ་ཤེས་རྩ་བ་ནས་མ་བྱས་པ་མ་ཟད་ ཁྲིམས་ཐོག་ནས་བོད་ཀྱི་བདག་དབང་སྐོར་རྣམ་རྟོག་ཆེན་པོ་ཡོད་པའི་རྣམ་པར་ཕྱོགས་གཉིས་དབར་ད་བར་གྱི་འབྲེལ་མོལ་གང་བྱུང་མ་སླད་ཕྱིན་ཆད་ནས་མཇུག་སྐྱོང་གནང་ཕྱོགས་ཐད་ཟུང་འབྲེལ་གསལ་བསྒྲགས་ཀྱི་ཡིག་ཆ་བཟོ་རྒྱུར་ཡང་ངོས་ལེན་བྱེད་མེད་ལུགས་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས་གསུངས་གནང་འདུག།