བོད་ནང་གཏེར་ཁ་བསྔོགས་འདོན་གྱི་ལས་འཆར་ཡོད་པ་རེད།

༄༅༎བོད་རང་སྐྱོང་ལྗོངས་ཀྱིས་བོད་ནང་གི་གཏེར་ཁ་བསྔོགས་འདོན་དང་བཟོ་ལས་ལས་དོན་ཐོག་མ་རྩ་འཕོན་ཆེ་འཛུགས་རྒྱུའི་འཆར་གཞི་ཡོད་འདུག

དེ་ཡང་རྒྱ་ནག་གཞུང་འབྲེལ་ཤིན་ཧའ་གསར་འགྱུར་བརྒྱུད་ལམ་གྱིས་གནས་ཚུལ་སྤེལ་བའི་ནང་འཁོད་པར། རྒྱ་ནག་གཞུང་གིས་བོད་ནང་གི་དཔལ་འབྱོར་ཡར་རྒྱས་གཏོང་རྒྱུའི་དམིགས་ཡུལ་ཆེད་ བོད་ནང་བཟོ་ལས་ཐོན་སྐྱེད་ལས་འཆར་ཁག་༢༢ཙམ་ལ་གཞི་རྒྱ་ཆེ་བའི་མ་རྩ་འཛུགས་འཇོག་བྱ་རྒྱུ་ཡིན་པ་ས་གནས་གཞུང་གི་དཔོན་རིགས་ནས་འགྲེལ་བརྗོད་བྱས་པའི་སྐོར་ལུང་འདྲེན་བྱས་ཡོད་པ་རེད། རྒྱ་ནག་གཞུང་གིས་བོད་ཀྱི་གཏེར་ཁ་བསྔོགས་འདོན་གྱི་ལས་གཞི་ཁག་༡༠ཙམ་དང་ དེ་བཞིན་ཨར་ལས་འཛུགས་སྐྲུན་ལས་གཞི་ཁག་བཞི་ དེ་བཞིན་སྨན་བཅོས་དང་བཟའ་ཆས་ཀྱི་ལས་འཆར་ཁག་གསུམ་ བཟོ་ལས་འཕེལ་རྒྱས་ཀྱི་ལས་འཆར་ཁག་ལྔ་ཙམ་བཅས་ལ་མ་འོངས་ལོ་ལྔའི་ནང་མི་མང་ཤོག་སྒོར་ཐེར་འབུམ་༢༡དང་གྲངས་ཆུང་༡༧ཙམ་གྱི་མ་དངུལ་གཏོང་རྒྱུ་ཡིན་པ་བོད་རང་སྐྱོང་ལྗོངས་དཔལ་འབྱོར་འཆར་འགོད་ལས་ཁང་གི་དཔོན་རིགས་ལིའི་ཤག་ཟེར་བས་ཤིན་ཧའ་གསར་འགྱུར་བརྒྱུད་ལམ་གྱིས་བཅར་འདྲིར་ལན་འདེབས་བྱེད་པའི་སྐབས་བརྗོད་ཡོད་པ་རེད།