རྒྱ་ནག་གིས་མཉམ་སྦྲེལ་རྒྱལ་ཚོཊ་དང་མཉམ་ལས་བྱེད་རྒྱུའི་ཁས་ལེན།
2016.09.29
རྒྱ་ནག་གི་སྲིད་འཛིན་ཞེ་དང་མཉམ་འབྲེལ་རྒྱལ་ཚོགས་ཀྱི་དྲུང་ཆེ་Ban Ki-moon་རྣམ་གཉིས་མཇལ་འཕྲད་སྐབས། ༢༠༡༦།༧།༧
དྲ་བཤུས།/XINHUA
རྒྱ་ནག་གཞུང་གིས་མཉམ་སྦྲེལ་རྒྱལ་ཚོགས་དང་ལྷན་དུ་འགྲོ་བ་མིའི་ཐོབ་ཐང་གི་ལས་དོན་མཉམ་ལས་བྱ་རྒྱུའི་ཁས་ལེན་བྱས་འདུག
དེ་ཡང་ཕྱི་ཚེས་༢༩་ཉིན་རོ་ཡི་ཀྲར་གསར་འགྱུར་ལས་ཁང་གིས་གནས་ཚུལ་སྤེལ་གསལ་གཞིགས་ན། རྒྱ་ནག་གི་གཞུང་འབྲེལ་གསར་འགྱུར་ལུང་འདྲེན་བྱས་ནས་རྒྱ་ནག་གཞུང་གིས་གསར་དུ་འདོན་སྤེལ་བྱས་པའི་རྒྱལ་ཡོངས་འགྲོ་བ་མིའི་ཐོབ་ཐང་གི་ལས་འཆར་ཞེས་སྤྱི་ལོ་༢༠༢༠བར་ལག་ལྟར་བྱ་རྒྱུའི་འགྲོ་བ་མིའི་ཐོབ་ཐང་སྐོར་གྱི་འཆར་གཞི་གསལ་བསྒྲགས་བྱས་ཡོད་པ་དང་། འཆར་གཞི་དེའི་ནང་རྒྱ་ནག་གཞུང་གིས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་དང་ལས་དོན་མཉམ་ལས་ཀྱི་མཐུན་འགྱུར་བྱ་རྒྱུ་ཡིན་ལུགས་ཁས་ལེན་བྱས་ཡོད་པ་རེད། ལས་དོན་མཉམ་ལས་ཀྱི་ཐད་ནས། རྒྱ་ནག་གིས་ཁས་ལེན་བྱས་པའི་གནད་དོན་ཁོངས་སུ། རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་འདྲི་རྩད་ཀྱི་ཕྱག་བྲིས་རིགས་ལ་རྒྱ་ནག་གཞུང་ནས་ཁ་གསལ་ལན་འདེབས་བྱེད་རྒྱུ་དང་། འོས་མཚམས་ལ་གཞིགས་སྟེ། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་སྐུ་ཚབ་ཁག་རྒྱ་ནག་ནང་མགྲོན་འབོད་བྱ་རྒྱུ། རྒྱལ་ཚོགས་ཀྱི་འགྲོ་བ་མིའི་ཐབ་ལྷན་ཚོགས་ཀྱི་དམིགས་གསལ་སྡེ་ཚན་ནང་རྒྱ་ནག་གི་མཁས་དབང་མཉམ་བཞུགས་བྱ་རྒྱུ་སོགས་གསལ་ཡོད་པ་རེད།
གཞན་ཡང་གོང་གསལ་རྒྱ་ནག་གི་འདོན་སྤེལ་བྱས་པའི་འགྲོ་བ་མིའི་ཐོབ་ཐང་གི་ལས་འཆར་དེའི་ནང་། རྒྱ་ནག་གཞུང་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ལྷན་ཚོགས་གཙོས་པའི་འབྲེལ་ཡོད་རྒྱལ་སྤྱིའི་རྒྱལ་ཁབ་ཁག་དང་འདྲ་མཉམ་དང་། ཕྱོགས་ཕན་ཚུན་བར་གུས་བརྩི་ལྡན་པའི་སྒོ་ནས་འགྲོ་བ་མིའི་ཐོབ་ཐང་གི་གནད་དོན་ཐད་གྲོས་མོལ་བྱ་རྒྱུ་ཡིན་ལུགས་ཁས་ལེན་བྱས་འདུག
རྒྱ་ནག་གི་དབང་འོག་ཏུ་ཡོད་པའི་བོད་དང་། ཤར་ཏུར་ཀི་སི་ཐན་སོགས་གྲངས་ཉུང་མི་རིགས་རྣམས་ཀྱི་འགྲོ་བ་མིའི་ཐོབ་ཐང་ལ་གཞུང་ཕྱོགས་ནས་བརྩི་མེད་རྡོག་རོལ་བཏང་བའི་བྱ་སྤྱོད་ལ་སྐྱོན་བརྗོད་ཤུགས་ཡོང་བཞིན་ཡོད་སྟབས་གོང་གསལ་འཆར་གཞི་དེའི་ནང་། རྒྱ་ནག་གཞུང་ནས་རྒྱ་ནག་གིས་གྲངས་ཉུང་མི་རིགས་ས་ཁུལ་ཁག་ནང ཡར་རྒྱས་འཛུགས་བསྐྲུན་གྱི་ལས་འདྲ་རྒྱ་ཆེར་གཏོང་རྒྱུ་དང་། ཆབས་ཅིག་ས་ཁུལ་དེ་དག་ནང་མང་ཚོགས་ཀྱི་ཁྲིམས་མཐུན་གྱི་ཐོབ་ཐང་དང་ཁེ་ཕན་སྲུང་སྐྱོབས་བྱ་རྒྱུ་ཡིན་ལུགས་གསལ་ཡོད་པ་རེད།
རྒྱ་ནག་གཞུང་དང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་དབར་ལོ་མང་ནས་འབྲེལ་ལམ་བཟང་པོ་མེད་པ་དང་། རྒྱ་ནག་གི་སྲིད་འཛིན་Xi Jinping་གྱིས་རྒྱལ་ནང་བདེ་འཇགས་སྲུང་སྐྱོབ་ཀྱི་གནད་དོན་ལ་ཁ་གཡར་ནས་སྤྱི་ཚོགས་ཁྲོད་དོ་དམ་དང་དམ་དྲག་ཤུགས་ཆེའི་སྲིད་ཇུས་འོག གཞུང་ཕྱོགས་དང་ལྟ་བ་མི་མཐུན་པའི་ཐོག་དྲག་གནོན་ཤུགས་ཆེ་བྱེད་བཞིན་ཡོད་པའི་གནས་སྟངས་བཅས་ལ་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་གཙོས་པའི་རྒྱ་ནག་གི་དོན་གཉེར་བ་ཚོས་སྐྱོན་བརྗོད་ཡང་ཡང་བྱེད་བཞིན་ཡོད་པ་རེད།
གསར་འགོད་པ་ཚེ་དབང་ནོར་བུ་དང་དོན་གྲུབ་རྣམ་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག