བོད་ནང་ཁོར་ཡུག་གནས་སྟངས་ཡག་པོ་ཡོད་ལུཌ་དྲིལ་བསྒྲཌ

༄༅༎རྒྱ་གཞུང་གིས་ཉིན་རེའི་མི་མང་གི་གསར་ཤོག་ཅེས་པའི་དྲ་རྒྱའི་ནང་བོད་ནང་གི་འཁོར་ཡུག་གི་གནས་བབས་དེ་ཧ་ཅང་གི་ཡག་པོ་ཡོད་སྐོར་གནས་ཚུལ་བཀོད་ཡོད་པ་རེད་ དེ་ཡང་དྲ་རྒྱ་དེའི་ནང་གནས་ཚུལ་བཀོད་པར་གཞིགས་ན་བོད་ནང་དཔལ་འབྱོར་འཛུགས་བསྐྲུན་ཐོག་ཧ་ཅང་གི་མྱུར་པོ་བསྐྱོད་ཞོར་དུ་འཁོར་ཡུག་སྲུང་སྐྱོབ་ཀྱི་ལས་དོན་དེ་ཡང་ཡག་ཐག་ཆོད་ཡོད་སྐོར་གནས་ཚུལ་བཀོད་ཡོད་པ་རེད་ རྒྱ་གཞུང་གིས་བོད་ནང་གི་འཁོར་ཡུག་ཐོག་ཧ་ཅང་གི་བདག་གཅེས་ཡག་པོ་རྒྱབ་པའི་དབང་གིས་བོད་དེ་འཛམ་གླིང་ནང་འཁོར་ཡུག་ཐོག་ཧ་ཅང་ཡག་པའི་མངའ་ཁུལ་ཞིག་ཆགས་ཡོད་སྐོར་རྒྱ་གཞུང་གིས་གཉེར་བའི་ཤིན་ཧ་གསར་འགྱུར་ལས་ཁང་གིས་གོང་ཞུས་དྲ་རྒྱ་དེའི་ནང་ལུང་འདྲེན་བྱས་ཡོད་པ་རེད་ རྒྱ་གཞུང་གིས་བོད་རང་སྐྱོང་ལྗོངས་ཞེས་འབོད་པའི་འཁོར་ཡུག་སྲུང་སྐྱོབ་ཚན་པའི་འགོ་འཁྲིད་  ཅང་པ་ཡིས་བོད་ཀྱི་མངའ་ཁུལ་གྱི་ས་དང་ཆུ་ མཁའ་རླུང་སོགས་རྟོག་ཞིབ་བྱས་པའི་འབྲས་བུར་འཁོར་ཡུག་གི་གནས་བབས་ཐོག་སྐྱོན་ཆ་གང་ཡང་བྱུང་མེད་པའི་གནས་སྟངས་ཤིག་ཐོན་ཡོད་སྐོར་བརྗོད་འདུག            

ཡང་ཁོ་པས་བོད་རང་སྐྱོང་ལྗོངས་ཀྱི་འཁོར་ཡུག་སྲུང་སྐྱོབ་ཚན་པས་བོད་ནང་གི་ཨར་ལས་འཛུགས་བསྐྲུན་གྱི་ལས་གཞིའི་ཐོག་འཁོར་ཡུག་ཐོག་གནོད་སྐྱོན་དེ་ཆུང་རུ་གཏོང་དགོས་པའི་ཚད་གཞི་གཏན་འབེབས་དང་གཏེར་ཁ་བསྔོག་འདོན་ཐོག་ཡང་འཁོར་ཡུག་གི་གནོད་འཚེ་དེ་ཆུང་རུ་གཏོང་དགོས་པའི་སྒྲིག་གཞི་གཏན་འབེབས་བྱས་པ་དེས་བོད་ནང་གི་འཁོར་ཡུག་ཐོག་གནོད་སྐྱོན་དེ་ཙམ་ཐེབས་ཀྱི་མེད་པའི་ཧམ་བཤད་བྱས་ཡོད་པ་རེད་ ཡང་རྒྱ་གཞུང་གི་ཕྱི་བསྒྲགས་ཀྱི་གནས་ཚུལ་དེའི་ནང་བོད་ནང་གི་འཁོར་ཡུག་སྲུང་སྐྱོབ་ཐོག་འདས་པའི་ལོ་ངོ་ལྔའི་ནང་རྒྱ་སྒོར་འཐེར་འབུམ་ ༡༠ ལྷག་འགྲོ་གྲོན་བཏང་ཡོད་པའི་ཧམ་བཤད་ཀྱི་གནས་ཚུལ་མང་དག་ཅིག་གོང་ཞུས་རྒྱ་གཞུང་གི་མི་མང་ཉིན་རེའི་གསར་ཤོག་ཅེས་པའི་དྲ་རྒྱ་དེའི་ནང་གནས་ཚུལ་བཀོད་ཡོད་པ་རེད་