ཨ་རིའི་ཕྱི་སྲིད་དྲུང་ཆེས་བོད་ཀྱི་གནད་དོན་ཐོག་གསུང་གླེང༌།

༄༅༎ཨ་མི་རི་ཀའི་ཕྱི་སྲིད་དྲུང་ཆེ་ཧི་ལ་རི་ཁི་ལིན་ཊོན་མཆོག་གིས་ཨ་རིའི་གཞུང་གསར་པས་བོད་མི་ཚོར་འགྲོ་བ་མིའི་ཐོབ་ཐང་དང་ཆོས་ལུགས་རང་དབང་སྐོར་བོད་ལ་མིང་དོན་མཚུངས་པའི་རང་སྐྱོང་གི་ཐོབ་ཐང་དགོས་ལུགས་གསུངས་གནང་འདུག

འདི་ཚེས་བཞིན་ཉིན་ཐེ་ལྦན་གྱི་དུས་བབ་ནང་རི་ཅརཌི་ཧེ་ལོ་རན་གྱིས་སྤེལ་བའི་ཆེད་རྩོམ་ནང་ཧི་ལ་རི་ཁི་ལིན་ཊོན་ཨ་རིའི་ཕྱི་སྲིད་དྲུང་ཆེ་མ་ཆགས་གོང་གྲོས་ཚོགས་ཀྱི་ཚོགས་ཆུང་ནང་ཉན་ཞིབ་གནང་བའི་སྐབས་ཨ་རིའི་གཞུང་གིས་རྒྱ་ནག་དང་འབྲེལ་ལམ་གནང་ཕྱོགས་ཐད་མངོན་པར་མི་གསལ་བའི་འགྱུར་ལྡོག་གི་རྣམ་པ་བཏོན་ཡོད་ལུགས་འགྲེལ་བརྗོད་བྱས་འདུག ང་ཚོས་རྒྱ་ནག་དང་འབྲེལ་ལམ་གནང་ཕྱོགས་ཐད་གཟབ་ནན་གནང་དགོས་ཀྱང་གནས་སྐབས་རིང་ད་ལྟའི་ཆེས་མཐོའི་འབྲེལ་ལམ་མཇུག་སྐྱོང་གནང་རྩིས་ཡོད་ལུགས་ཕྱི་སྲིད་དྲུང་ཆེས་གསུངས་གནང་ཡོད་རེད། འོན་ཀྱང་ཐེ་ལྦན་དང་བོད།འགྲོ་བ་མིའི་ཐོབ་ཐང་སྐོར་བཞེངས་ཕྱོགས་གསལ་སྟོན་གནང་ཡོད་རེད། ཐེ་ལྦན་ཐད་ད་ཡོད་ཀྱི་སྲིད་བྱུས་མཇུག་སྐྱོང་གིས་ཕན་ཚུན་ཞི་འགྲིགས་ཡོང་བའི་འབད་བརྩོན་གནང་རྒྱུ་དང་ཕྱོགས་གཅིག་གིས་རང་ཐག་རང་གཅོད་ཀྱི་བྱ་སྤྱོད་ངོས་ལེན་ཡོང་ཐབས་མེད་ལུགས་གསུངས་གནང་འདུག བོད་སྐོར་ཨ་རིའི་གཞུང་གསར་པས་བོད་མིའི་འགྲོ་བ་མིའི་ཐོབ་ཏང་དང་ཆོས་དད་རང་དབང་སྲུང་སྐྱོབ་དགོས་པ་དང་གལ་སྲིད་བོད་མི་རྒྱ་མི་རིགས་ཀྱི་མཉམ་དུ་བདེ་སྐྱིད་ངང་གནས་དགོས་ཀྱི་ཡོད་ན་ཁོང་ཚོའི་ཆོས་དང་རིག་གཞུང་ལ་བརྩི་སྲུང་བྱེད་དགོས་ཀྱི་རེད། བོད་ལ་མིང་དོན་མཚུངས་པའི་རང་སྐྱོང་གི་ཐོབ་ཐང་དགོས་ཀྱི་རེད་ཅེས་གསུངས་གནང་འདུག