ཨོ་སྦ་མ་མཆོག་ཡོ་རོབ་ནང་དཔལ་འབྱོར་ལྷན་ཚོགས་ཆེད་ཕེབས།

༄༅༎ཨ་མི་རི་ཀའི་སྲིད་འཛིན་ཨོ་སྦ་མ་མཆོག་ཡུལ་གྲུ་ལྔའི་ནང་ཉིན་གྲངས་བརྒྱད་རིང་གཞུང་དོན་ཕྱོགས་སྐྱོད་གནང་ཕྱིར་དེ་རིང་ཨ་རི་ནས་ཕེབས་ཐོན་གནང་གི་ཡོད་པ་རེད།

སྲིད་འཛིན་ཨོ་སྦ་མ་མཆོག་གིས་གཙོ་བོ་དབྱིན་ཇིའི་རྒྱལ་ས་ལོན་ཌོན་ནང་འཛམ་གླིང་གི་འབྱོར་ལྡན་དང་ཡར་རྒྱས་འགྲོ་བཞིན་པའི་རྒྱལ་ཁབ་ཉི་ཤུའི་ཆེས་མཐོའི་ལྷན་ཚོགས་ནང་མཉམ་ཞུགས་གནང་རྒྱུ་ཡིན་པ་དང་དེ་ནས་ཕེ་རན་སི་དང་ཇར་མ་ནི།ཆེཀ་སྤྱི་མཐུན་རྒྱལ་ཁབ་དང་ཁ་ཆེའི་ཡུལ་ཊར་ཀི་བཅས་ནང་ཕེབས་རྒྱུ་ཡིན་པ་རེད། རེས་གཟའ་ཕུར་བུའི་ཉིན་ལོན་ཌོན་དུ་འཚོགས་གནང་རྒྱུའི་རྒྱལ་ཁབ་ཉི་ཤུའི་ཆེས་མཐོའི་ལྷན་ཚོགས་དེའི་སར་དེང་སྐབས་འཛམ་གླིང་ནང་འཕྲད་བཞིན་པའི་དཔལ་འབྱོར་གྱི་དཀའ་ངལ་དེ་ཚོ་སེལ་ཐབས་སྐོར་དབུ་ཁྲིད་རྣམ་པ་ཚོའི་དབར་བཀའ་གྲོས་གནང་རྒྱུ་ཡིན་པ་དང་ཨ་རིའི་སྲིད་འཛིན་ཨོ་སྦ་མ་མཆོག་རྒྱལ་ཁབ་ཉི་ཤུའི་ཆེས་མཐོའི་ལྷན་ཚོགས་དེའི་ནང་མཉམ་ཞུགས་གནང་བ་དང་ཕྱོགས་མཚུངས་དབྱིན་ཡུལ་དང་ཨུ་རུ་སུ།རྒྱ་ནག།རྒྱ་གར་དང་ལྷོ་ཀོ་རི་ཡའི་དབུ་ཁྲིད་རྣམ་པ་ཚོ་དང་མཇལ་འཕྲད་གནང་རྒྱུའི་འཆར་གཞི་འདུག།