རྒྱ་ནག་ལྷོ་ནུབ་ཁུལ་དུ་ས་ཡོམ་བརྒྱབ་པ།

༄༅༎དེ་རིང་རེས་གཟའ་ཉི་མའི་ཉིན་རྒྱ་ནག་གི་ལྷོ་ནུབ་ཟི་ཁྲོན་ཞིང་ཆེན་ཁུལ་དུ་ཡོད་པའི་དཀར་མཛེས་བོད་རིགས་རང་སྐྱོང་ཁུལ་གྱི་བྲག་འགོ་ས་གནས་སུ་ས་ཡོམ་འགུལ་ཚད་༥དང་གྲངས་ཆུང་༣བརྒྱབ་ཡོད་པ་དང༌། འོན་ཀྱང་ད་ལྟའི་ཆར་མི་ཤི་རྨས་ཀྱི་གནོད་འཚེ་བྱུང་ཡོད་མེད་གནས་ཚུལ་ཤེས་རྟོགས་མེད་པ་རེད།

དེ་རིང་རྒྱ་ནག་གི་ས་ཡོམ་ལས་ཁང་གིས། ས་ཡོམ་དེ་ནི་དེ་རིང་གི་པེ་ཅིང་གི་ཕྱི་དྲོའི་ཚོུད་༥དང་སྐར་ཆ་གཉིས་ཐོག་རྒྱབ་ཡོད་པ་བཤད་ཡོད་པ་རེད། ས་གནས་དཔོན་རིགས་ནས།  ཁོང་ཚོས་ས་ཡོམ་འགུལ་ཚད་ཤུགས་ཆེ་པོ་ཞིག་རྒྱབ་པའི་ཚོར་སྣང་བྱུང་བ་དང༌། འོན་ཀྱང་ས་ཡོམ་རྒྱབ་ནས་དུས་ཚོད་ཐུང་ངུ་དེའི་ནང་མི་ཤི་རྨས་གནས་ཚུལ་གོ་ཐོས་བྱུང་མེད་པའི་སྐོར་བཤད་ཡོད་པ་རེད། གཞན་ཡང་བྲག་འགོ་ས་གནས་ཀྱི་དཔོན་རིགས་ཏེང་མིན་ཟེར་བས། ས་ཡོམ་གྱི་གཡོ་འགུལ་ནི་སྐར་ཆ་༤༠ནས་༥༠བར་བྱུང་སྟེ། ཁྱིམ་ཚང་གི་ཅོག་རྩེ་དང་རྐུབ་སྐྱག་ ཁང་པ་རྣམས་གཡོ་འགུལ་ཛ་དྲག་པོ་བྱུང་ཡོད་པ་དང༌། སྐར་མ་འགའ་ཤས་རིང་ལ་ཁ་པར་སོགས་འབྲེལ་མཐུད་ལ་ཤུགས་རྐྱེན་ཐེབས་ཡོད་ཀྱང་ད་ཆ་རྒྱུན་ལྡན་ལྟར་བསྐྱར་གསོ་བྱུང་ཡོད་ལུགས་བཤད་ཡོད་པ་རེད།།