ເຣື້ອງທີ່ເກັບບັນທຶກໄວ້
2023-10-18
ປີນີ້ ອົງການ ນັກຂ່າວບໍ່ມີພົມແດນ ຈັດໃຫ້ປະເທດລາວ ຢູ່ໃນລຳດັບທີ 160 ຈາກທັງໝົດ 180 ປະເທດ ຊຶ່ງຖືວ່າສື່ມວນຊົນລາວ ທີ່ຂາດສິດເສຣີພາບ ໃນການນຳສເນີຂໍ້ມູນ ຂ່າວສານ ທີ່ເປັນຄວາມຈິງ ເນື່ອງຈາກວ່າ ມີການກວດກາ ສື່ມວນຊົນລາວ ຢ່າງເຂັ້ມງວດ ເພື່ອຮັບໃຊ້ພັກ ແລະຣັຖບານ.
2023-10-13
ວັນທີ 12 ຕຸລາ ປີ 2023 ທີ່ຜ່ານມາ ມີພິທີ ມອບ-ຮັບ ວິທຍາໄລເຕັກນິກ-ວິຊາຊີບ ການຣົຖໄຟລາວຢ່າງເປັນທາງການ ໂດຍທ່ານ ຫວາງ ຊາງ ອຸປະທູດ ແຫ່ງສປ ຈີນ ປະຈຳ ສປປ ລາວ ເປັນຜູ້ມອບ ແລະ ທ່ານ ພຸດ ສີມມາລາວົງ ຣັຖມົນຕຣີ ກະຊວງສຶກສາທິການ ແລະ ກິລາ ເປັນຜູ້ຮັບ.
2023-10-12
ສປປ ລາວ ຮຽກຮ້ອງໃຫ້ອິສຣາແອລ ແລະ ປາເລສຕ່າຍນ໌ ໃຊ້ຄວາມອົດກັ້ນ ເພື່ອຢຸດຕິ ທຸກການກະທໍາ ທີ່ຮຸນແຮງ ແລະ ຮ່ວມມືກັນ ແກ້ໄຂບັນຫາ ຂໍ້ຂັດແຍ່ງ ດ້ວຍສັນຕິວິທີ ຂະນະທີ່ທັງນັກວິຊາການ ແລະປະຊາຊົນບາງສ່ວນ ເຫັນດີທີ່ຣັຖບານ ອອກຖແລງການ ເປັນກາງ.
2023-10-12
ກຸ່ມບໍຣິສັດ ຂອງກະຊວງປ້ອງກັນປະເທດລາວ ແລະ ບໍຣິສັດ ຈາກ ປະເທດຣັສເຊັຽ ລົງນາມໃນບົດບັນທຶກ ຄວາມເຂົ້າໃຈ ວ່າດ້ວຍການຮ່ວມມື ດ້ານທໍລະນີສາດ, ການຂຸດຄົ້ນ ແລະປຸງແຕ່ງແຮ່ທາດ ອື່ນໆ ຢູ່ ສປປ ລາວ, ແຕ່ຍັງບໍ່ມີຂໍ້ລະບຸ ເຖິງວັນ, ເວລາ ແລະ ສະຖານທີ ການສຳຣວດ ແລະຂຸດຄົ້ນ.
2023-10-11
ທ່ານ ທອງລຸນ ສີສຸລິດ ປະທານປະເທດ ພ້ອມດ້ວຍຄະນະໄດ້ເດີນທາງລົງພື້ນທີ່ ຢ້ຽມຢາມຊາວບ້ານ ຢູ່ເຂດບ້ານຈັດສັນບວມອໍ້ ເມືອງຊຽງເງິນ ແຂວງຫຼວງພຣະບາງ ເຊິ່ງເປັນບ້ານທີ່ຖືກຍົກຍ້າຍ ຈາກບ້ານເກົ່າ ທີ່ໄດ້ຮັບຜົລກະທົບ ຈາກໂຄງການກໍ່ສ້າງເສັ້ນທາງຣົຖໄຟ ລາວ-ຈີນ.
2023-10-09
ທາງການແຂວງຫົວພັນ ໄດ້ປະຕິບັດວິໄນພະນັກງານຣັຖກອນ ຈໍານວນ 55 ຄົນ ຍ້ອນລະເມີດກົດລະບຽບພັກຄື ມົ້ວສຸມຢາເສບຕິດ ແລະ ອື່ນໆ ໂດຍໃນນັ້ນໄດ້ຖືກຕິຕຽນ 19 ຄົນ, ກ່າວເຕືອນ 5 ຄົນ ໂຈະການເຂົ້າຮ່ວມຊີວິດ 13 ຄົນ, ປົດຕຳແໜ່ງ 2 ຄົນ ແລະ ໄລ່ອອກຈາກພັກ 16 ຄົນ.
2023-10-06
ເຈົ້າແຂວງ 2 ແຂວງຖືກຍົກຍ້າຍ ຊັບປ່ຽນໜ້າທີ່ ຂະນະທີ່ປະຊາຊົນເຂົ້າໃຈວ່າ ການຍົກຍ້າຍ ເຈົ້າແຂວງອັດຕະປື ແລະເຈົ້າແຂວງ ແຂວງຫົວພັນ ຈະບໍ່ສົ່ງຜົລແຕກຕ່າງກັນ ຫຼື ຖ້າເວົ້າແນວນຶ່ງກໍຄື ການຍົກຍ້າຍໃນຄັ້ງນີ້ ບໍ່ແມ່ນເພື່ອເປັນການແກ້ໄຂບັນຫາໃຫ້ດີຂຶ້ນ.
2023-10-03
ສປປ ລາວ ໄດ້ຜັນໂຕເອງຄັ້ງຍິ່ງໃຫຍ່ ດ້ວຍໂຄງການທຶນ ທີ່ໃຫ້ກູ້ຢືມ ໃນນາມໂຄງການ ຂໍ້ຣິເຣີ່ມ ນຶ່ງແລວ ນຶ່ງເສັ້ນທາງ ຄົບຮອບ 10 ປີ ຂອງປະທານາທິບໍດີ ສີ ຈິ້ນຜິງ ກັບງົບປະມານ 5.9 ພັນລ້ານໂດລ້າຣ໌ສະຫະຣັຖ ເພື່ອໃຫ້ເສັ້ນທາງຣົຖໄຟ ລາວ-ຈີນ ເຊື່ອມຕໍ່ກັບປະເທດເພື່ອບ້ານ ແລະສ້າງອາຊີບຈຳນວນຫຼາຍ. ແຕ່ນັກວິຈານ ຫຼາຍທ່ານເວົ້າວ່າ ເສັ້ນທາງຣົຖໄຟສາຍນີ້ ກັບໂຄງການຂົນສົ່ງ ໂຄງຮ່າງພື້ນຖານ ໃຫຍ່ໆຂອງຈີນ ແລະ ໂຄງການເຂື່ອນໄຟຟ້າ ພະລັງນ້ຳຫຼາຍໆໂຄງການ ໄດ້ສ້າງໜີ້ສິນ ໃຫ້ ສປປ ລາວ ເຮັດໃຫ້ມີຄວາມສ່ຽງສູງ ທີ່ຈະຕິດກັບດັກໜີ້ ຂະນະທີ່ ປະຊາຊົນລາວ ຕ້ອງປະເຊີນກັບບັນຫາເງິນເຟີ້ສູງ, ເກີດບັນຫາ ການດ້ອຍຄ່າ ເງິນພາຍໃນປະເທດ ແລະ ຍັງບໍ່ເຫັນໂອກາດ ໃນອະນາຄົດ ທີ່ຈະດີຂຶ້ນ.
2023-09-28
ຜູ້ຣາຍງານພິເສດ ດ້ານສິດທິມະນຸສ ຂອງອົງການ ສະຫະປະຊາຊາຕ ໄດ້ອອກຣາຍງານ ໃນວັນທີ 22 ກັນຍາ 2023 ທີ່ຜ່ານມາວ່າ ສປປ ລາວ ມີການລ່ວງລະເມີດ ສິດທິມະນຸສຢ່າງຮ້າຍແຮງ ມີທັງຂ້າຖິ້ມ ແລະ ຍັງຄັບໃຫ້ຫາຍສາບສູນ.
2023-09-25
ສະຖານທູດໄທຍ ປະຈໍາລາວ ໄດ້ສົ່ງຈົດໝາຍ ໄປຍັງກະຊວງການຕ່າງປະເທດ ແຫ່ງ ສປປ ລາວ ເພື່ອໃຫ້ທາງການລາວ ກວດສອບຫາຄວາມຈິງ ແລະໃຫ້ຄໍາຕອບ ກ່ຽວກັບເຫດການ ທີ່ຫົວໜ້າ ແລະຮອງຫົວໜ້າ ຂອງບໍຣິສັດ ປຕທ (ລາວ) ຊຶ່ງຖືກຄວບຄຸມ ໃນວັນທີ 18 ກັນຍາ 2023.
2023-09-25
ຮອງນາຍົກຣັຖມົນຕຣີ ແລະ ຣັຖມົນຕຣີ ກະຊວງການຕ່າງປະເທດ ໄດ້ກ່າວປາໄສ ຕໍ່ສະມັດຊາໃຫຍ່ ອົງການສະຫະປະຊາຊາຕ ສໄມທີ 78 ໂດຍທ່ານກ່າວເຖິງການຈັດຕັ້ງວາລະ ແຜນພັທນາ ເສຖກິຈ-ສັງຄົມ ເພື່ອບັນລຸເປົ້າໝາຍການພັທນາ ແບບຍືນຍົງ ໃນປີ 2030 ຂອງລາວ.
2023-09-22
ວັນທີ 20 ກັນຍາ 2023 ທີ່ຜ່ານມາ ເຈົ້າໜ້າທີ່ແຂວງບໍ່ແກ້ວ ເຮັດບົດບັນທຶກ ສຶກສາອົບຮົມ ແລະກ່າວເຕືອນ ຄູ່ຮັກ 1 ຄູ່ ທີ່ຢູ່ກິນກັນກ່ອນຈົດ “ທະບຽນສົມຣົດ ຫຼື (ໃບຢັ້ງຢືນການແຕ່ງດອງ)” ຕາມກົດໝາຍ ເນື່ອງຈາກພວກກ່ຽວ ແມ່ນຢູ່ກິນກັນໂດຍບໍ່ຖືກຕ້ອງຕາມລະບຽບກົດໝາຍ ຢູ່ບ້ານດອນມູນ ເມືອງຕົ້ນເຜິ້ງ.
2023-09-22
ວັນທີ 20 ກັນຍາ ທີ່ຜ່ານມານີ້ ທ່ານ ຈ້າວ ເຫວີ່ຍ ປະທານສະພາບໍຣິຫານ ເຂດເສຖກິຈພິເສດສາມຫຼ່ຽມຄໍາ ໄດ້ປະທານເປີດໂຮງຮຽນປະຖົມດອກງິ້ວຄໍາ ເຊິ່ງເປັນໂຮງຮຽນລະດັບຊັ້ນອະນຸບານ ຫາ ຊັ້ນປະຖົມສຶກສາ ທີ່ຕັ້ງຢູ່ໃນເຂດເສຖກິຈພິເສດສາມຫຼ່ຽມຄໍາ.
2023-09-22
ບໍຣິສັດ ປຕທ (ລາວ) ປະກາດ ປະສົບກັບບັນຫາຂາດແຄນນໍ້າມັນເຊື້ອເພີງໃນເບື້ອງຕົ້ນ ຍ້ອນບັນຫາແລກປ່ຽນເງິນຕຣາ ຕ່າງປະເທດ ສໍາລັບຊື້ນໍ້າມັນເຊື້ອເພີງ ແຕ່ພາຍຫຼັງໄດ້ມີການແຈ້ງການແກ້ໄຂສະບັບເດີມ ໂດຍມີເນື້ອໃນໃຈຄວາມ ທາງບໍຣິສັດ ໄດ້ຮັບການສນັບສນູນ ນ້ຳມັນເພື່ອຈຳໜ່າຍຢ່າງພຽງພໍແລ້ວ.
2023-09-21
ປະຊາຊົນ ບໍ່ໄດ້ຄາດຫວັງ ແລະ ບໍ່ເຊື່ອໝັ້ນ ຕໍ່ລະບົບສານ ຍ້ອນປະຊາຊົນ ຈຳນວນບໍ່ໜ້ອຍ ປະເຊີນກັບການຕັດສິນຄະດີ ທີ່ບໍ່ເປັນກາງ ແລະ ການໃຊ້ເວລາ ໃນການຕັດສິນຄະດີ ຫຼືແມ່ນແຕ່ການ ອ້າງເຖິງບຸກຄົນສຳຄັນ ເພື່ອເອົາຊະນະຄະດີ ຕ່າງໆທີ່ເກີດຂຶ້ນກັບປະຊາຊົນ.
