နန်စီဘွန်ဒေသက ရေ မဆေးကျောက်ရှာဖွေသူတွေ ဆန္ဒပြ

ခန္တီးမြို့နဲ့ မိုင် ၃၀ ကျော်ဝေးတဲ့ နန်စီဘွန် နဲ့ မကျန်ခ ကျောက်မှော်တွေကနေ ထွက်ရှိလာတဲ့ကျောက်စိမ်းတွေကို ခန္တီးမြို့ကျောက်မျက်ရုံးမှာ ကျောက်သယ်ယူခွင့်ရရှိဖို့ အခွန် ပေးဆောင်ရတာဖြစ်ပါတယ်။ နန်စီဘွန်ဒေသမှာ အခွန်ရုံးမရှိတဲ့အတွက် ခန္တီးမြို့က ကျောက်မျက်ဦးစီးဌာနရုံးမှာ အခွန်ဆောင်ရတာဖြစ်ပါတယ်။

ဆန္ဒပြသူတွေဟာ ဖမ်းဆီးထားတဲ့ ရေမဆေးကျောက်သမားတွေကို ပြန်လွှတ်ပေးဖို့၊ ရေမဆေးကျောက်လုပ်သားတွေ ဖမ်းဆီးခံနေရတာကို ဖြေရှင်းပေးဖို့၊ တနိုင်တပိုင် ကျောက်မျက်လုပ်ကိုင်ခွင့်ရရှိဖို့တို့ကို တောင်းဆိုခဲ့ကြပါတယ်။

နန်စီဘွန် နဲ့ မကျန်ခ ကျောက်မှော်ဒေသတွေမှာ မှီခိုလုပ်ကိုင်နေကြတဲ့ ရေမဆေး လုပ်သား တစ်သောင်းခန့်ရှိပြီး ကုမ္ပဏီပေါင်း ၄၀ က ကျောက်စိမ်းတူးဖော်နေကြတာဖြစ်ပါတယ်။