စွန်ပစ်မြေစာပုံ ပြိုကျပြီး ရေမဆေးသမား ၆ ဦးသေဆုံး

"ဖားကန့်က မှော်မောင်ဘွမ် ကျေးရွာမှာရှိတဲ့ ဂျိတ်လင်းန်ကုမ္ပဏီလုပ်ကွက်မှာဖြစ်တာပါ။ ညနေ ၃ နာရီလောက်မှာ။ ခြောက်ယောက်ကတော့ဗျာ မြေစာပိတဲ့ဒဏ်နဲ့ သေသွားတာပေါ့။ တယောက် ဒဏ်ရာရတယ်။ သေဆုံးတဲ့သူတွေကတော့ အဲဒီမှော်မောင်းဘွမ်ကျေးရွာနဲ့တဝိုက်မှာနေ တဲ့ ရေမဆေးကျောက်ရှာဖွေတဲ့သူတွေပါပဲ။ မိုးရွာတယ်။ မိုးရွာပြီးတော့မှ မြေစာပျော့တဲ့အချိန်မှာ ဝင်ပြီးတော့ ရှာတဲ့အချိန်မှာ ပြိုတယ်လို့တော့ သိရပါတယ်ခင်ဗျ"

အဲဒီဖြစ်စဉ်နဲ့ ပတ်သက်ပြီး သေမှုသေခင်း ဖွင့်လှစ်ထားတယ်လို့ ဖားကန့်မြို့နယ်ရဲတပ်ဖွဲ့မှူး ရဲမှူး က ဆိုပါတယ်။

ဖားကန့် ကျောက်စိမ်းတွင်းနယ်မြေမှာ အခုလိုပွင့်လင်းချိန် ဆောင်းကာလမှာ စွန့်ပစ်မြေစာပုံပြိုကျမှုတွေနဲ့အတူ မိုးကာလမှာ ကျောက်တောင်ကမ်းပါးတွေပြိုကျလို့ မကြာခဏ ထိခိုက်သေဆုံးမှုတွေရှိနေပါတယ်။

ပြီးခဲ့တဲ့ ၂၀၁၅ ခု နိုဝင်ဘာလအတွင်းက ဆိပ်မူကျေးရွာအုပ်စု ကန်ခမ် စုပေါင်းစွန့်ပစ်မြေစာပုံပြိုကျလို့ လူ အယောက် ၁၁၀ ကျော် သေဆုံးခဲ့မှုဟာ အခုနှစ်ပိုင်းတွေအတွင်း လူအသေအပျောက်အများဆုံး အဖြစ်အပျက်တခုဖြစ်ပါတယ်။