သမ္မတဦးဝင်းမြင့် ကျန်းမာရေးမကောင်းလို့ ဆီးပိုက်တပ်ထားရ
2023.06.18
ဦးဝင်းမြင့်ကို နေပြည်တော်ရှိ NLD ပါတီ ယာယီဌာနချုပ်မှာ ၂ဝ၂ဝ ခုနှစ်၊ ဇူလိုင်လ ၂၁ ရက်နေ့က တွေ့ရစဉ်။
Photo: RFA
တောင်ငူအကျဉ်းထောင်မှာ အကျဉ်းကျနေတဲ့ နိုင်ငံတော်သမ္မတ ဦးဝင်းမြင့်ဟာ ကျန်းမာရေးမကောင်းတာကြောင့် ဆီးပိုက်တပ်ထားရပြီး ဆေးဝါးကုသမှုခံယူနေရတယ်လို့ ဦးဝင်းမြင့်နဲ့ နီးစပ်သူတွေနဲ့ တောင်ငူအကျဉ်းထောင်နဲ့ နီးစပ်သူတွေက ပြောပါတယ်။
လုံခြုံရေးအရအမည်မဖော်လိုတဲ့ သမ္မတ ဦးဝင်းမြင့်နဲ့ နီးစပ်သူတစ်ဦးကလည်း ရောဂါအခြေအနေကို အတိအကျ မသိရသေးပေမယ့် ပြင်ပဆရာဝန်တစ်ယောက် ဆီးပိုက်လာတပ်ပေးတာတော့မှန်တယ်လို့ RFA ကိုပြောပါတယ်။
"ဘာရောဂါကြောင့်ဆိုတာတော့ မသိရပါဘူး။ သူ့ကိုထားတဲ့အခန်းမှာပဲ အပြင်ဆေးရုံတစ်ခုက ဆရာဝန်က လာတပ်ပေးသွားတယ်ဆိုတာပဲ သိရပါတယ်"
ဦးဝင်းမြင့်နဲ့နီးစပ်တဲ့ နောက်ထပ်တစ်ဦးကလည်း ဆီးပိုက်တပ်ထားရတာမှန်ကန်ပြီး ရောဂါတော့ သက်သာတယ်လို့ ဆိုပါတယ်။
ဒီကိစ္စနဲ့ပတ်သက်လို့ အသေးစိတ်သိနိုင်ဖို့ အကျဉ်းဦးစီးဌာနပြောခွင့်ရသူ ဒုတိယ ညွှန်ကြားရေးမှူးချုပ် ဦးနိုင်ဝင်းကို RFA က တယ်လီဖုန်းနဲ့ဆက်သွယ်ခဲ့ပေမယ့် လက်ခံဖြေဆိုတာမရှိပါဘူး။
သမ္မတ ဦးဝင်းမြင့်ဟာ စစ်တပ်အာဏာသိမ်းချိန် ၂၀၂၁ ခုနှစ်၊ ဖေဖော်ဝါရီလ ၁ ရက်နေ့ ကတည်းက ဖမ်းဆီးခံရပြီး စစ်ကောင်စီကစွပ်စွဲခဲ့တဲ့ အမှုပေါင်းရှစ်မှုအတွက် ထောင်ဒဏ် ၁၂ နှစ် ချမှတ်ခံထားရပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ