ဗြိတိန် နိုင်ငံခြားရေးဝန်ကြီး မြန်မာနိုင်ငံ သွားမယ်

၂ဝ၁၁ ခုနှစ် ဒီဇင်ဘာလ ၁၂ ရက်နေ့က အမေရိကန် နိုင်ငံခြားရေးဌာန သတင်းစာရှင်းလင်းပွဲတွင် ဗြိတိန် နိုင်ငံခြားရေးဝန်ကြီး William Hague နှင့် အမေရိကန် နိုင်ငံခြားရေးဝန်ကြီး Hillary Clinton တို့ကို တွေ့ရစဉ်။

နိုင်ငံခြားရေးဝန်ကြီး ဟီလာရီ ကလင်တန်နဲ့ တွေ့ဆုံအပြီး အမေရိကန် ပြည်ထောင်စု ဝါရှင်တန်ဒီစီမှာပြုလုပ်တဲ့ နိုင်ငံခြားရေးဝန်ကြီး နှစ်ဦးရဲ့ ပူးတွဲ သတင်းစာရှင်းလင်းပွဲမှာ အခုလို ထုတ်ဖော် ပြောကြားလိုက်တာပါ။

မြန်မာ့အရေးနဲ့ ပတ်သက်လို့ တခြား နိုင်ငံတကာရေးရာ ကိစ္စရပ်တွေမှာ နည်းတူ ဗြိတိန်နိုင်ငံဟာ အမေရိကန် အစိုးရနဲ့ နီးနီးကပ်ကပ် ပူးတွဲ ဆောင်ရွက်သွားမှာ ဖြစ်ကြောင်း၊ မြန်မာနိုင်ငံမှာ နိုင်ငံရေး လွတ်လပ်ပွင့်လင်းမှု ရှိလာရေးဟာ ဗြိတိန် အမေရိကန် နှစ်နိုင်ငံအကြား တူညီတဲ့ ရည်ရွယ်ချက်ဖြစ်ကြောင်း ဗြိတိန် နိုင်ငံခြားရေး ဝန်ကြီးက ပြောပါတယ်။

မြန်မာနိုင်ငံအရေးနဲ့ ပတ်သက်လို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် မြန်မာပြည် ခရီးသွားတာကို မိမိတို့ ကြိုဆိုကြောင်း၊ အပြုသဘော ချဉ်းကပ်ဆောင်ရွက်မှုတွေ အောင်မြင်ရေးဟာလည်း အလွန် အရေးကြီးကြောင်း Mr. Hague က ဆိုပါတယ်။

အမေရိကန် နိုင်ငံခြားရေးဝန်ကြီးဟာ မြန်မာနိုင်ငံကို နိုဝင်ဘာ ၃ဝ က ဒီဇင်ဘာ ၂ ရက်အထိ သွားရောက်ခဲ့ပြီး ဗြိတိသျှ နိုင်ငံတကာ ဖွံ့ဖြိုးရေးဆိုင်ရာ ဝန်ကြီး Andrew Mitchell ဟာ မြန်မာနိုင်ငံကို နိုဝင်ဘာလထဲက သွားခဲ့ပါတယ်။