ရခိုင်ပြည်နယ် ပြဿနာ လုံခြုံရေးကောင်စီမှာ အမေရိကန် တင်ပြ


2016.11.23
maungtaw-police-620 မောင်တောမြို့နယ်မှာ ကင်းလှည့်နေတဲ့ ရဲတပ်ဖွဲ့ဝင်တွေကို တွေ့ရစဉ်
ဓါတ်ပုံ - ဝံလက်ဒေသဖွံ့ဖြိုးရေးဖောင်ဒေးရှင်း

ရခိုင်ပြည်နယ်မှာဖြစ်ပွားနေတဲ့ ဆူပူမငြိမ်မသက်မှုတွေကို ဒေါ်အောင်ဆန်းစုကြည် ဦးဆောင်တဲ့ မြန်မာအစိုးရ ကိုင်တွယ်ဖြေရှင်းနေပုံနဲ့ ပတ်သက်ပြီး အနောက်နိုင်ငံတွေက တနေ့တခြား စိုးရိမ်ပူပန်နေကြတယ် လု့ိ နေပြည်တော်နဲ့ နယူးယောက်မြို့ ကုလသမဂ္ဂဌာနချုပ်က ဒီကနေ့ ဗုဒ္ဓဟူးနေ့လာတဲ့ Reuters သတင်းတွေ မှာ ဖေါ်ပြထားပါတယ်။

ဒီရက်ပိုင်းအတွင်း မောင်တောဒေသကနေ ဘင်္ဂလားဒေ့ရှ်နိုင်ငံကို ရိုဟင်ဂျာမွတ်စလင်ရာပေါင်းများစွာ ထွက်ပြေး ခိုလှုံလာကြတာဟာ မြန်မာအစိုးရရဲ့ အရည်အချင်းကို စမ်းသပ်မှုတခုဖြစ်တယ်လို့ အဲဒီသတင်းက ရေးသား လိုက်ပါတယ်။

ကုလသမဂ္ဂဆိုင်ရာ အမေရိကန်ကိုယ်စားလှယ် Samantha Power စမင်သာ ပါဝါ က ရခိုင်ပြည်နယ်အရေးအတွက် စိုးရိမ်ပူပန်ကြောင်း ကုလသမဂ္ဂလုံခြုံရေးကောင်စီမှာ ပြီးခဲ့တဲ့အပတ် ကြာသပတေးနေ့က တင်ပြခဲ့တယ်လို့ ဆိုပါတယ်။

နောက်တနေ့ဖြစ်တဲ့ နိုဝင်္ဘာလ ၁၈ ရက်နေ့ နေပြည်တော်မှာ သံတမန်တွေနဲ့ တွေ့ဆုံရာမှာတော့ ဒေါ်အောင်ဆန်း စုကြည်က သူတို့နိုင်ငံဟာ မမျှမတဆက်ဆံမှုနဲ့ ကြုံတွေ့နေရကြောင်း၊ ရခိုင်ပြည်နယ်ဆိုင်ရာ စွပ်စွဲမှုတွေကို အစိုးရအနေနဲ့ အများကတောင်းဆိုတဲ့အတိုင်း စုံစမ်းစစ်ဆေးနေကြောင်းနဲ့ နိုင်ငံတကာအသိုင်းအဝန်းဟာ ရခိုင်ပြည်နယ်မြောက်ပိုင်းက ပဋိပက္ခတွေကို အချက်အလက် တိကျခိုင်မာမှုမရှိဘဲ တဖက်သတ်ပြော ဆိုနေကြကြောင်း စိတ်ပျက်လက်ပျက်ပြောဆိုတယ်လို့ ဖေါ်ပြထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။