မြန်မာ့အရေး အမေရိကန်စိတ်ပျက်သော်လည်း လက်ရှိမူဝါဒ မပြောင်းလဲ

အမေရိကန် ငြိမ်းချမ်းရေးအသင်း စည်းဝေးပွဲတခုမှာ စက်တင်ဘာ ၁၆ ရက် မနေ့က ပြောကြားခဲ့တာပါ။ အခုထိ မိမိတို့ တွေ့မြင်နေရတာတွေအရ နိုဝင်ဘာ ရွေးကောက်ပွဲဟာ နိုင်ငံတကာက တရားဝင် လက်ခံနိုင်မဲ့ ရွေးကောက်ပွဲ ဖြစ်မှာ မဟုတ်ပါဘူး၊ ဒါပေမဲ့ မြန်မာပြည်နဲ့ ပတ်သက်ပြီး ဘယ်နည်းလမ်းက ကောင်းသလဲဆိုတာ ရွေးချယ်ရ ခက်ခဲနေပေမဲ့ ထိတွေ့ ဆက်ဆံရေးနည်းလမ်းကသာ အကောင်းဆုံးဖြစ်ပါတယ်လို့ မစ္စတာ ကင်းဘဲလ် က ပြောပါတယ်။

ရွေးကောက်ပွဲအပြီး မြန်မာပြည်မှာ လူသစ်တွေ၊ ပုံစံအသစ်တွေ၊ လုပ်ပိုင်ခွင့်အာဏာ ကူးလူးဆက်ဆံမှု အသစ်တွေ ပေါ်ပေါက်လာနိုင်ပါတယ်၊ ဖြစ်ပေါ်လာမဲ့အနေအထားတွေကို စောင့်ကြည့်ဖို့ လိုပါတယ်၊ မြန်မာပြည်ရဲ့ နိုင်ငံရေး တိုးတက်မှုတွေအပေါ် မူတည်ပြီး ဆုပေး ဒဏ်ပေးစနစ်ကို တပြိုင်နက် ကျင့်သုံးဖို့ အဆင်သင့်ပါပဲလို့လည်း မစ္စတာ ကတ် ကင်းဘဲလ်က ပြောပါတယ်။